Aşgabatda şu ýylyň ilkinji gary ýagdy

Ýanwar 25, 2024 | 00:10 |5402

Aşgabat şäheriniň ýaşaýjylary şu ýylda ilkinji ýagan garyň gözli şaýatlary boldular. Häzirki wagtda howanyň temperaturasy -2 gradusa ýetýär. Ýöne dag eteklerine näçe ýakynlaşdygyňça, termometriň has-da aşak düşýändigini we şol bir wagtda ýaşyl otlaryň we arçalaryň üstüne düşen gar "düşeginiň" şonça hem galňaýandygyny synlamak bolýar.

25-nji ýanwarda paýtagtda asmanyň ýüzi bulutly, gowanyň temperaturasy bolsa gündizine 2 gradus maýyl, gije bolsa 2 gradus sowuk bolmagyna garaşylýar. Umuman alanyňda, ýanwar aýynyň soňky hepdesi ygally we sowuk bolar. Türkmenistanyň merkezi sebitlerine mahsus ýaz gününe barabar maýyl we gezegini sowuk howa çalyşýan günler köp bolýar.

ORIENT news