“KazAID” Merkezi Aziýanyň hünärmenleri üçin bilermen maksatnamalaryny hödürleýär
Gazagystanyň Halkara ösüş agentligi (“KazAID”) Merkezi Aziýa döwletleriniň ilçihanalarynyň wekilleriniň gatnaşmagynda Astanada brifing geçirdi.
Onuň dowamynda Türkmenistanyň, Gyrgyzystanyň, Özbegistanyň we Täjigistanyň diplomatlaryna “KazAID-iň” 2024-nji ýyldaky taslamalary barada maglumat berildi.
Brifingiň dowamynda Merkezi Aziýa ýurtlarynyň döwlet işgärleri üçin netijeli döwlet dolandyryşy we elektron dolandyryş meseleleri boýunça “Dostyk” maksatnamasyna aýratyn üns berildi. Maksatnamany şu ýylyň 1-nji aprelinden 5-nji apreline çenli Singapur Respublikasynyň Daşary işler ministrligi bilen bilelikde durmuşa geçirilmek meýilleşdirilýär.
Ýylyň dowamynda Merkezi Aziýa sebitiniň hünärmenleri diplomatiýa boýunça “Dostyk” we saglygy goraýyş işi boýunç a hem “Awisenna” atly maksatnamalara gatnaşyp bilerler. Bu taslamalaryň çäklerinde dürli okuwlar, bilermenleriň duşuşyklary we medeni çäreler geçiriler.
“KazAID-iň” maksatnamalary sebitde gazanylan öňdebaryjy tejribeleri alyşmak arkaly Merkezi Aziýa ýurtlarynyň bilermenler jemgyýetleri bilen hökümet işgärleriniň arasyndaky hyzmatdaşlygy pugtalandyrmaga gönükdirilendir.
ORIENT news
