Bu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Eýran Yslam Respublikasynyň Prezidenti Masud Pezeşkian bilen gepleşikleri geçirmek üçin Tährana iş sapary bilen bardy.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik geçirildi.
Balkan welaýatynyň iň uly küşt ýaryşy 23-25-nji awgust aralygynda Hazar (Çeleken) şäherinde geçirildi. Çagalardan, zenanlardaň we ýönekeý küşt muşdaklaryndan ybarat 32 gatnaşyjyny jemlän açyk ýaryş Türkmenistanyň Küşt federasiýasynyň ýardamy bilen “Dragon Oil” (BAE) kompaniýasy tarapyndan gurnaldy.
Häzirki tehnologiýanyň ösen döwründe ilatymyz internet torunyň çäksiz hyzmatlaryndan peýdalanyp, özbaşdak maglumat ummanyna aralaşyp bilýär. Muňa garamazdan «Internet kafeleri» halk köpçüliginiň arasynda ähmiýetini we zerurlygyny saklap gelýär. Çünki, «Internet kafeleri» diňe bir maglumat ummany bolman, eýsem medeniýetli dynç almagyň bir görnüşi bolup halkymyza hyzmat edýär.
19-23-nji awgust aralygynda Günorta-Gündogar Aziýanyň şäher-döwletine saparynyň dowamynda Türkmenistanyň adyndan Milli bilim institutynyň uly ylmy işgäri O.Berdiýew “Bilim syýasatyny işläp taýýarlaýjy hünärmenler üçin bilimiň üýtgedilmegi: Singapuryň tejribesi” atly maksatnama boýunça halkara seminara gatnaşdy.
28-nji awgusta meýilleşdirilen Parižde Paralimpiýa oýunlarynyň açylyş dabarasyna hytaýly aktýor Jeki Çan gatnaşar. Oýunlarynyň guramaçylyk toparyna salgylanyp, BFMTV teleýaýlymynyň habar bermegine görä, ol Paralimpiýa oýunlarynyň alaw oduny gowşurmak dabarasynyň gatnaşyjylarynyň arasynda bolar.
2-6-njy sentýabr aralygynda Astrahanda geçiriljek “БерегА” okuw maslahatynyň çäklerinde Hazarýaka ýurtlarynyň ýaş liderleriniň duşuşyk tapgyry geçiriler. Astrahan oblastynyň Ýaşlar baradaky agentliginiň habarlar gullugynda habar berilişi ýaly, duşuşyk tapgyryna gatnaşyjylar sebitiň syýahatçylyk we maýa goýum mümkinçiliklerini ara alyp maslahatlaşarlar. Hazarýaka sebitiniň ýagdaýynyň täze konsepsiýasy işlenilip taýýarlanylar.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow zähmet rugsadynda “Arçman” şypahansyna baryp, ol ýerde şypahanany giňeltmek we döwrebaplaşdyrmak boýunça geçirilýän işler bilen hem-de onuň çäginde gurulýan desgalarynyň taslamalary bilen tanyşdy.
Owganystanyň DIM-de habar berilişi ýaly, Abdul Gaffar Tirawi Özbegistanda Owganystanyň Adatdan daşary we doly ygtyýarly ilçisi hökmünde bellenildi.
Türkmenistanyň Daşary işler ministri Raşid Meredow Seýed Abbas Aragçä Eýran Yslam Respublikasynyň Daşary işler ministri wezipesine bellenilmegi bilen gutlag hatyny ýollady.
Merkezi Aziýanyň bäş ýurdunyň lukmanlary Koreýa Respublikasynyň Tegu şäherinde kliniki taýýarlyk maksatnamasyny geçdiler. “Koreýa görnüşli dikeldiş lukmançylyk boýunça” dört hepdelik trening sebitde iri lukmançylyk edaralarynyň biri bolan Kýonbuk Milli uniwersitetiniň Çhilgok hassahanasynyň esasynda geçirildi.
Türkmenistanyň wekiliýetiniň Duşanbe şäherine bolan saparynyň dowamynda şu gün, 24-nji awgustda, daşary işler ministriniň orunbasary Ahmet Gurbanowyň Täjigistanyň Daşary işler ministri Sirojiddin Muhriddin bilen duşuşygy geçirildi.
Moskwada “Sagdyn Ýewraziýa” atly lukmanlaryň halkara maslahaty açylyp, oňa GDA ýurtlaryndan 150-den gowrak lukman gatnaşýar. Bu barada halkara hyzmatdaşlyk ösüşine hemaýat edýän “Ýewraziýa” awtonom täjirçilik däl guramasynyň habarlar gullugy habar berdi.
Botswanada Kanadanyň Lucara Diamond kompaniýasynyň käninde ägirt uly almaz daşy tapyldy. Şu wagta çenli tapylanlaryň arasynda ululygy boýunça ikinji bolup, bu almaz daşynyň agramy ýarymkilograma deňdir. Has takygy, daşyň agramy – 2 892 karat (takmynan 498,4 gr).
23-nji awgustda, anna güni, Türkmenistanyň daşary işler ministriniň orunbasary Mähri Bäşimowa ABŞ-nyň ilçisi Elizabet Rud bilen duşuşdy.
