Hytaýyň Demirgazyk-Günbataryndaky Sinszýan-Uýgur awtonom welaýatynyň Uurmçi administratiw merkezinde 6-njy Bütindünýä media-sammiti dünýäniň öňdebaryjy köpçülikleýin habar beriş serişdeleriniň 208-den, hökümet edaralaryndan, halkara guramalaryndan we dünýäniň 106 ýurdundan we sebitinden 500-den gowrak wekillerini ýygnady.
16-17-nji oktýabr aralygynda “Arçabil” myhmanhanasynda “Dizaýnyň kanuny goragy. Ýewraziýa sebitinde senagat dizaýnlaryny kanuny goramak ulgamlaryny ösdürmek" ady bilen seminar geçirilýär.
2024-nji ýylyň 15-nji oktýabrynda W.N.Tatişýew adyndaky Astrahan döwlet uniwersitetinde Magtymguly Pyragynyň doglan gününiň 300 ýyllygyna we Türkmenistanyň Garaşsyzlygynyň 33 ýyllygyna bagyşlanan tegelek geçirildi.
“Türkmenpoçta” poçta aragatnaşyk kompaniýasynyň Çapar Pay köpugurly goşundysynda indi peýdaly USSD-haýyşlaryny we “Altyn Asyr” öýjükli aragatnaşyk milli operatorynyň gysga belgilerini ugradyp bolýar.
Türkmenistanyň wekiliýeti Ženewa şäherinde geçirilen BMG-niň Bosgunlaryň işi baradaky Ýokary Komissarynyň Maksatnamasynyň Ýerine ýetiriji komitetiniň 75-nji sessiýasyna gatnaşdy. 14-nji oktýabrda sessiýanyň açylyşynda BMG-niň Bosgunlaryň işi baradaky Ýokary Komissary Filippo Grandi öz çykyşynda Türkmenistanyň ýolbaşçylygynyň raýatsyzlygy ýok etmek ugrundaky tagallalaryna ýokary baha berdi.
Koreýa Respublikasynyň Milli Assambleýasynyň başlygynyň aýaly Hanym Şin Kýunghe Patyşa Seljon adyndaky Koreý dilini we medeniýetini öwrenmegiň merkezine baryp gördi.
ÝUNISEF BMG-niň Aşgabatdaky edara binasynda suwdan tygşytly peýdalanmaga we suw çeşmelerini dolandyrmakda durnukly tejribäni birleşdirmäge gönükdirilen innowasiýa başlangyjy durmuşa geçirip başlady. ÝUNISEF-iň Türkmenistandaky wekilhanasy BMG-nyň 10 guramasy bilen çäkleri paýlaşýar, bu ýerdäki töwerekleri yzygiderli suwarmak we abatlamak ep-esli suw talap edýär. Hasaplamalara BMG-nyň edara binasynyň meýdanyny suwarmak üçin her ýyl 14,000-17,000 litr aralygynda suw ulanylýar.
Türkmenistanyň Daşary işler ministrliginde Magtymguly Pyragynyň doglan gününiň 300 ýyllygyna bagyşlanan “Döwürleriň we siwilizasiýalaryň özara arabaglanyşygy — parahatçylygyň we ösüşiň binýady” atly halkara forumyň jemlerine bagyşlanan brifing geçirildi.
14-nji oktýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Özbegistan Respublikasynyň Prezidenti Şawkat Mirziýoýew bilen telefon arkaly söhbetdeşligi boldy.
Soňky ýyllarda Türkmenistanyň uniwersitetleri halkara bilim giňişligine işjeň gatnaşýar, muny abraýly dünýä reýtinglerinde olaryň peýda bolmagy bilen tassyklanýar.
USAID-iň Häzirki zaman hünärleri ösdürmek taslamasynyň (YDA) we Türkmenistanyň Senagatçylar we telekeçiler birleşmesiniň Telekeçiler Mekdebiniň hyzmatdaşlygy Türkmenistanda ýaş telekeçiligi ösdürmekde başlangyçlaryň biri bolup durýar. Bu başlangyç häzirki zaman işewürlik dünýäsinde üstünlikli işi alyp barmak üçin zerur bolan amaly başarnyklaryny ýaş telekeçilere öwretmek usullaryny we tejribesini kämilleşdirmäge gönükdirilen
Arkadag şäheriniň Aba Annaýew adyndaky Halkara atçylyk akademiýasynda “Ahalteke atçylyk sungaty we atlary bezemek däpleri” milli hödürnamanyň ÝUNESKO-nyň Adamzadyň maddy däl medeni mirasynyň görnükli nusgalarynyň sanawyna girizilendigi baradaky şahadatnamanyň gowşurylyş dabarasy geçirildi.
12-nji oktýabrda Türkmenistanyň Daşary işler ministri Raşid Meredow Mongoliýanyň Prezidenti Uhnaagiýn Hurelsuhyň Türkmenistana ilkinji döwlet saparynyň çäklerinde Aşgabada gelen Mongoliýanyň Daşary işler ministri Batseseg Batmunhiýn bilen duşuşyk geçirdi.
7-12-nji oktýabr aralygynda Astrahanda geçirilen Hazarýaka ýurtlarynyň ýokar okuw mekdepleriniň Assosiasiýasynyň we ylmy-barlag merkezleriniň VII Halkara talyplar uniwersiadasyna Türkmenistanyň Magtymguly adyndaky Türkmen döwlet uniwersitetiniň we Türkmen döwlet binagärlik we gurluşyk istitutynyň talyplaryndan düzülen ýygyndy topary gatnaşdylar.
12-nji dekabrda bellenilýän Halkara Bitaraplyk güni mynasybetli Türkmenistanda ýurduň ýokary okuw mekdepleriniň talyplarynyň arasynda statistika dersi boýunça Interne bäsleşigi geçiriler.
