Gyrgyzystanda daşary ýurt awtomobiller kanunlaşdyrylar
Gyrgyzystanda daşary ýurt awtomobilleriň tapgyrlaýyn kanunlaşdyrylmagy başlandy. Daşary ýurtly belgili awtomobilleri kanunlaşdyrmak işini aňsatlaşdyrmaga gönükdirilen Permana respublikanyň Prezidenti Sadyr Žaparow gol çekdi. Bu Perman awtomobilleri satyn almakda aýdyňlygy üpjün etmek hem-de halal eýeleriň hukuklaryny goramak maksady bilen kabul edildi.
Kanunlaşdyrmak işi üç tapgyrda geçiriler.
Birinji tapgyrda hukuk kesgitleýji resminamalaryna eýe bolan awtomobiller kanunlaşdyrylar. Ikinji tapgyr talabalaýyk tehniki ýagdaýynda bolan, emma şeýle resminamalary bolmadyk awtomobilleriň kanunlaşdyrylmagyny göz öňünde tutýar. Üçünji tapgyr bolsa resminamalary bolmadyk awtomobilleriň eýelerine olary ätiýaçlyk böleklere satmaga, ýurtdan daşyna çykarmaga ýa-da galyndylaryny gaýtadan ulanmaga mümkinçilik berer.
Hökümete iki aýyň dowamynda şeýle awtomobilleri başlangyç hasaba almak üçin zerur bolan düzgünleri we şertleri işläp taýýarlamak we tassyklamak, şeýle hem hasaba alnyş üçin tölegleriň möçberlerini kesgitlemek tabşyryldy.
ORIENT news
