Türkiýäniň ýokary saýlaw geňeşi ýurduň häzirki lideri Rejep Taýyp Ärdoganyň prezident saýlawlarynyň ikinji tapgyrynda ýeňiş gazanandygyny ykrar etdi – diýip, Anadolu agentligi habar berýär.
Türkmenistanyň Prezidenti Serdar Berdimuhamedow, Türkmenistanyň Halk Maslahatynyň başlygy Gurbanguly Berdimuhamedow we onuň maşgala agzalary Rejep Taýyp Ärdogany Türkiýäniň prezidenti wezipesine gaýtadan saýlanmagy bilen gutlady – diýip, TDH habar berýär.
Hormatly Prezidentimiz Serdar Berdimuhamedowyň gol çeken Permanyna laýyklykda, milli halyçylyk sungatyny ösdürmekde, türkmen halylarynyň gözelligini, nepisligini dünýä ýaýmakda, hala çeper nagyşlary salmakda bitiren uly hyzmatlary üçin hem-de köp ýyllaryň dowamynda çeken halal we yhlasly zähmetini, hünär ussatlygyny nazara alyp, şeýle hem Türkmen halysynyň baýramy mynasybetli ýurdumyzyň halyçy gelin-gyzlarynyň 11-sine «Türkmenistanyň at gazanan halyçysy» diýen hormatly at dakyldy.
Fransiýanyň 2,5 sagatdan az wagt sarp edilýän demir ýol gatnawy bolan içerki ugurlar boýunça uçuşlara gadaganlygy güýje girdi. Ýurduň ulag ministri bu çäräni "dünýäde ilkinji" diýip atlandyrdy we ol adamlary ulagyň atmosfera zyňyndylary az bolan görnüşlerini ulanmaga höweslendirmäge gönükdirilendir.
27-28-nji maýda Daşkentde Uzbek Jewellery Fair-2023 häzirki zaman enjamlarynyň, tehnologiýalaryň we şaý-sepleriň ilkinji Halkara sergi-satuwy geçirilýär. Bu sergä özbek we öňdebaryjy dünýä şaý-seplerini öndürijiler, lomaý we bölek söwdanyň wekilleri, Italiýa, Saud Arabystany we Türkiýe ýaly 10-dan gowrak ýurtdan şaý-sep önümleriniň importy we eksporty bilen meşgullanýan logistika kompaniýalary gatnaşýar.
Kompozitor we pianinoçy Mammet Guseýnow 26-njy maýda Kaliningradyň Ýe.F. Swetlanowa adyndaky filarmoniýasynda geçirilen «Ýelena Obrazsowa bagyşlama» gala konsertine gatnaşdy. Ol aýaly Darýa bilen bilelikde özüniň asyl kompozisiýalaryny, şeýle hem şu ýyl tutuş saz dünýäsi tarapyndan 150 ýaşyny belleýän Sergeý Rahmaninowyň eserlerini halka hödürledi.
Aşgabatda üç günlük “DigiWomen Codefest” hakatony (bäsleşik) badalga aldy, bu bäsleşik innnowasiýa tehnologiýalar babatda artykmaçlygy bolan aýal-gyzlara öz işini döretmäge itergi berýän innowasiýa ideýalaryny we tehniki ukyplaryny görkezmäge mümkinçilik berer.
Owganystanyň Söwda we senagat ministrligi Owganystanyň Aşgabatdaky ilçihanasynda söwda attaşesini belledi.
Russiýanyň Prezidenti Wladimir Putin täze döwlet baýragyny - Gagarin ordenini hödürledi. Döwlet baştutanynyň degişli permany şenbe güni çap edildi – diýip, TASS habar berýär.
Merkezi Aziýada, Kawkazda we Gündogar Ýewropada miwe we gök önüm bazarynyň maglumat we seljeriş platformasy bolan EastFruit bilermenleri ýyladyşhana gök önümlerini, ilkinji nobatda parnik pomidorlaryny öndürmekde we eksport etmekde Türkmenistanyň halkara bazarlarda çalt ornaşýandygyna ünsi çekdiler.
7-nji iýundan 9-njy iýuna çenli Kazanda bilim ministrleriniň Halkara forumy geçiriler, oňa 20-den gowrak ýurtdan, şol sanda Türkmenistandan bilim ulgamynyň ýolbaşçylary gatnaşarlar. Bu barada TASS Russiýa Federasiýasynyň Bilim ministrliginiň metbugat gullugyna salgylanmak bilen habar berýär.
Özboluşly horeografiki çykyş – sanly we interaktiw tehnologiýalaryň ulanylmagynda sahna ilkinji gezek Ýewropaly artistler tarapyndan Aşgabatda görkeziler. Häzirki wagtda ol Ýewropanyň häzirki zaman sungatynyň iň moda we innowasiýa ugurlaryndan biridir. Şeýle özboluşly sowgat Ýewropa Bileleşiginiň Türkmenistandaky wekilhanasy we Fransuz instituty tarapyndan türkmen tomaşaçylary üçin berildi. Guramaçylar medeni çäräni Türkmenistan bilen ÝB arasynda diplomatik gatnaşyklaryň ýola goýulmagynyň 30 ýyllygyna bagyşladylar.
Sankt-Peterburgdaky Russiýanyň etnografiýa muzeýinde 28-nji maýda Türkmenistanda her ýyl maý aýynyň soňky ýekşenbesinde bellenilýän Türkmen haly gününe bagyşlanan giň gerimli «Haly dünýäsi» dabarasy geçiriler.
2023-nji ýylyň 10-24-nji maýy aralygynda ÝUNESKO-nyň Pariždäky baş edarasynda ÝUNESKO-nyň Ýerine ýetiriji geňeşiniň 216-njy mejlisi geçirildi. Onuň işine Türkmenistan hem gatnaşdy – diýlip, Türkmenistanyň Daşary işler ministrliginiň metbugat beýanatynda aýdylýar.
ÝUNESKO 2024-2025-nji ýyllarda guramanyň Ýerine ýetiriji geňeşiniň 216-njy mejlisinde agza döwletler tarapyndan teklip edilen 46 sanly senäni bellemek dabarasyna gatnaşar. Bu sanawa Türkmenistan tarapyndan hödürlenen "Magtymguly Pyragynyň doglan gününiň 300 ýyllygy" hem goşular. Teklip Azerbaýjan, Belarus, Gazagystan, Gyrgyzystan, Türkiýe, Özbegistan we Ukraina tarapyndan goldanyldy. Bu barada Türkmen daşary syýasat edarasynyň saýtynda habar berilýär.
