Gyrgyzystan Respublikasynyň energetika ministri Taalaýbek Ibraýew 2024-nji ýylda türkmen elektrik energiýasyny respublika ibermek hakynda ylalaşyga gol çekmek üçin 31-nji maýda Aşgabada gelýär – diýip, Akipress habar berýär.
Aşgabatda DigiWomen Codefest hakatonyň jemlerini jemlediler, ol zenanlaryň we gyzlaryň arasynda programmirlemegi öwrenmegi meşhur etmäge, şeýle hem olaryň maglumat-kommunikasiýalar tehnologiýalarynda hünär taýdan ösmegine ýardam etmäge niýetlenendir.
Amazon ýene-de Global 500 2023-de dünýäniň iň gymmat brendleriniň birinji ornuny eýeledi. Reýting Brand Finance tarapyndan – brendlere baha bermek we strategiki maslahat bermeler bilen meşgullanýan dünýäde öňdebaryjy garaşsyz kompaniýa tarapyndan düzüldi.
Türkmenistanyň Halk Maslahatynyň Başlygy Gurbanguly Berdimuhamedowyň baştutanlygynda ýurdumyzyň wekilçilikli düzümdäki wekiliýetiniň Eýrana bolan saparynyň jemleri boýunça hyzmatdaşlyk etmek hakynda resminamalara we iki döwletiň arasyndaky Bilelikdäki Jarnama gol çekildi – diýip, TDH habar berýär.
Türkmenistanyň Halk Maslahatynyň Başlygynyň maşgalasy Ogulgerek Berdimuhamedowa Eýranda «Saadabad» köşkler toplumyndaky taryhy-medeni binalara baryp gördi. Ol Gurbanguly Berdimuhamedowyň gepleşikleri geçirmek üçin goňşy ýurda saparynyň barşynda onuň ýany bilen gitdi – diýip, TDH habar berýär.
Hytaýyň Täjirçilik ministrliginiň resmi wekili Şu Szýuetin Pekiniň Merkezi Aziýa ýurtlary bilen emeli intellekt we ykjam aragatnaşygyň 5-nji nesliniň tehnologiýalary babatynda täzeçillikleri bilen paýlaşjakdygyny beýan etdi – diýip, Big Asia habar berýär.
Türkmenistanda emeli intellekti we awtomatlaşdyrylmagy ulanmak babatynda innowasion çözgütleriň bäsleşiginiň jemlerini jemlediler. Ol Türkmenistanyň Telekommunikasiýalar we informatika instituty tarapyndan ýokary okuw mekdepleriniň talyplarynyň arasynda yglan edilipdi - diýip, «Türkmenistan» gazeti ýazýar.
Türkmenistanyň Halk Maslahatynyň Başlygy Gurbanguly Berdimuhamedow eksport-import amallarynyň möçberini artdyrmak we iki ýurduň arasynda söwda-ykdysady hyzmatdaşlygy giňeltmek üçin Eýran bilen ikitaraplaýyn söwda wekilhanalaryny döretmekligi teklip etdi.
Türkmenistanyň Halk Maslahatynyň Başlygy Gurbanguly Berdimuhamedow Eýranyň prezidenti Ebrahim Raisi bilen duşuşygynyň dowamynda iki ýurduň ministrlikleriniň we edaralarynyň wekiliýetleriniň ikitaraplaýyn saparlaryny yzygiderli esasda guramagy teklip etdi.
Portretler, natýurmortlar, peýzaž eserleri - Moskwada işleýän daşary ýurt diplomatik wekilhanalarynyň işgärleri tarapyndan ýerine ýetirilen jemi 150-den gowrak surat "Dünýä reňkleri" sergisinde sergilenýär. Sergi sişenbe güni Moskwanyň häzirki zaman sungaty muzeýinde açyldy. Ol Russiýanyň Daşary işler ministrligi bilen Moskwadaky diplomatik korpusyň wekili, Azerbaýjanyň ilçisi Polad Bülbül ogly tarapyndan bilelikde guraldy – diýip, TASS habar berýär.
Eýranyň Nebit ministri Jawad Oji ýakyn wagtda Eýran bilen Türkmenistanyň arasynda gaz şertnamasyna gol çekiljekdigini, şertnama laýyklykda Eýranyň iýun aýynda Türkmenistandan her gije-gündizde 10 million kub metr gaz import edip başlajakdygyny aýtdy. "Isna" habarlar gullugynyň berýän habaryna görä, bu barada ministr "Türkmengaz" DK-niň baştutany Batyr Amanow bilen duşuşygyň çäginde žurnalistlere habar berdi.
Abraýly hökümet wekiliýetiniň başynda Eýrana iş saparynda bolan Türkmenistanyň Halk Maslahatynyň Başlygy Gurbanguly Berdimuhamedow, Eýran Yslam Respublikasynyň prezidenti Seýid Ebrahim Raisi bilen duşuşdy.
Belarus döwlet uniwersitetinde ilkinji gezek GDA ýurtlarynyň Amaly demografiýa boýunça halkara tomusky mekdebi geçiriler. Ol 26-njy iýunda başlar we 1-nji iýula çenli dowam eder – diýip, BelTA agentligi habar berýär.
Özbegistanyň Buhara şäherinde ýerleşýän Mir-Arab medresesi 32 ýyllyk arakesmeden soň russiýaly talyplary okuwa kabul edip başlar. Sowet döwründe Russiýanyň musulman dini işgärleriniň köpüsi bu ylahyýet mekdebinde bilim aldy - diýip, Russiýanyň Musulmanlarynyň ruhy mejlisiniň müftüleriniň başlygy Albir Krganow gürrüň berdi – diýip, RIA Nowosti habar berýär.
Ulag gatnaşyklary meselesinde Türkmenistan bilen Eýranyň umumy gyzyklanmalary bar we her gije-gündizde 600 wagonyň Sarahs we Inçeburun serhet geçelgelerinden geçýändigini nazara almak bilen, ulaglaryň köpelmegine garaşylýar. Bu meseleler Türkmenistanyň Ministrler Kabinetiniň ýanyndaky Ulag we kommunikasiýalar agentliginiň baş müdiri Mämmethan Çakiýewiň Eýran Yslam Respublikasynyň Ýol we şäher gurluşygy ministri Mehrdad Bazrpaş bilen geçirilen duşuşygynda ara alnyp maslahatlaşyldy. Duşuşyk 30-njy maýda, sişenbe güni Türkmenistanyň Halk Maslahatynyň Başlygy Gurbanguly Berdimuhamedowyň Tährana amala aşyrýan iş saparynyň çäklerinde geçirildi.
