Iki ýurtda Türkmenistanyň we Eýranyň söwda wekilhanalaryny açmak teklip edildi
Türkmenistanyň Halk Maslahatynyň Başlygy Gurbanguly Berdimuhamedow eksport-import amallarynyň möçberini artdyrmak we iki ýurduň arasynda söwda-ykdysady hyzmatdaşlygy giňeltmek üçin Eýran bilen ikitaraplaýyn söwda wekilhanalaryny döretmekligi teklip etdi.
Şeýle başlangyç türkmen halkynyň Milli Lideriniň eýran parlamentiniň başlygy Mohammad-Bager Galibaf bilen gepleşikleriniň barşynda aýdyldy – diýip, TDH habar berýär.
Öz gezeginde EYR-nyň parlamentiniň baştutany bu meseleleri ara alyp maslahatlaşmaga taýýardygyny tassyklady we gepleşikleriň netijeleri boýunça gazanyljak ylalaşyklaryň iki döwletiň arasyndaky ykdysady hyzmatdaşlyga itergi berjekdigine umyt bildirdi.
Gurbanguly Berdimuhamedow 30-njy maýda irden Eýrana geldi. Ol respublikanyň ýokary wezipeli adamlary bilen gepleşikleri geçirdi, olaryň netijeleri boýunça hyzmatdaşlyk etmek hakynda täze resminamalara gol çekildi.
ORIENT habarlar
