“Ýakyn günlerde Aşgabat şäherinde geçirjek gepleşiklerimiziň netijeli boljakdygyna we ikitaraplaýyn hyzmatdaşlygymyzy mundan beýläk-de ösdürmäge täze itergi berjekdigine ynanýaryn” — diýip, Türkmenistanyň Prezidenti Serdar Berdimuhamedowyň Wengriýanyň premýer-ministri Wiktor Orbana onuň 60 ýaş toýy mynasybetli iberen gutlag hatynda bellenilýär.
Täjigistanda geçiriljek Olimpiýa oýunlarynyň ýeňijilerine ömürlik pul kömegi berler. Tölegler, ýurduň garaşsyzlygy döwründe medal gazanan türgenler üçin göz öňünde tutulýar. Şeýle tertip eýýäm Täjigistan hökümeti tarapyndan tassyklandy we kanun 2024-nji ýylyň 1-nji ýanwaryndan güýje girer diýip, MIR 24 habar berýär.
Türkmenistanyň Daşary işler ministrligi ÝHHG-nyň Baş sekretary Helga Şmid bilen duşuşyk geçirdi. Daşary işler ministriniň wezipesini wagtlaýyn ýerine ýetiriji Wepa Hajyýew myhman bilen Türkmenistan bilen ÝHHG-nyň syýasy we ykdysady ugurlarda, energetika we daşky gurşaw howpsuzlygy, parlament diplomatiýasyny ösdürmek, şeýle hem ynsanperwerlik meselesinde hyzmatdaşlygy ösdürmegiň geljegi barada pikir alyşdy.
Gyrgyzystanyň Ýokary Geňeşi döwlet dili hakynda konstitusiýa kanunyny kabul etdi, üýtgeşmeler, esasan ýokary wezipeli adamlara we döwlet işgärlerine, şeýle hem KHBS-ne täsirini ýetirer.
Türk dünýäsiniň halkara talyp teatrlary festiwaly ilkinji gezek Daşkentde geçirildi. Özbek meýdançasynda Azerbaýjanyň, Gazagystanyň, Gyrgyzystanyň, Özbegistanyň, Türkiýäniň we Türkmenistanyň döredijilik ýokary okuw mekdepleriniň talyp teatrlary öz sahnalaryny görkezdiler. Taslama Türki Medeniýetiň Halkara Guramasy TÜRKSOÝ we Özbegistan Respublikasynyň Medeniýet we Syýahatçylyk ministrliginiň kömegi bilen gurnaldy diýip, Kabar agentligi habar berýär.
Elektronika dünýäsi we «Berkarar» SDAM-däki SAMSUNG dükanlary «Tomusky arzanladyş» aksiýanyň başlanýandygyny, onuň çäklerinde SAMSUNG brendiniň ähli telewizorlaryna 35% arzanladyş yglan etdiler.
Çarşenbe güni Buharestde Türkmenistanyň we Rumyniýanyň daşary syýasat edaralarynyň arasynda ikitaraplaýyn gatnaşyklaryň şertnamalaýyn-hukuk binýadyny kämilleşdirmek boýunça geňeşmeler geçirildi.
Medeni gymmatlyklaryň bikanun importyny, eksportyny we eýeçilik hukugynyň geçirilmegini gadagan etmäge we öňüni almaga gönükdirilen çäreler baradaky 1970-nji ýyldaky konwensiýanyň gatnaşyjy döwletleriniň ýedinji mejlisi 30-njy maýda ÝUNESKO-nyň Pariždäki baş edarasynda geçirildi. Türkmenistanyň ÝUNESKO-daky hemişelik wekili Maksat Çaryýew forumda Türkmenistana wekilçilik etdi diýip, Türkmenistanyň Daşary işler ministrliginiň saýty habar berýär.
Türkmenistanyň Ylymlar akademiýasynyň Tehnologiýalar merkezinde "Mahabat -üstünligiň açary" atly festiwal geçirildi. Çäräni Bilim ministrligi, ýurdumyzyň Magtymguly adyndaky Ýaşlar guramasy we Türkmenistanyň Senagatçylar we telekeçiler birleşmesi bilelikde gurady.
30-njy maýda Gansu welaýatyndaky Szýysýuan kosmodromyndan «Şençžou-16» hytaý arş gämisiniň uçurylmagy bilen Ýeriň orbitasyndaky adamlaryň sany boýunça täze taryhy rekord goýuldy. Bu barada RIA «Nowosti» habar berýär.
Sişenbe güni, 30-njy maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $2,1 mln amerikan dollaryna we 141 müň TMT deň bolan 7 geleşik baglaşyldy – diýip, ORIENT-iň habarçysy habar berýär.
HP Inc. tehnologik kompaniýasy düýbünden täze arhitekturasy bolan şahsy kompýuterleri döretmegiň üstünde işleýär, ol müşderilere goragly ulgamlara emeli intellekt bilen badalga bermäge mümkinçilik döreder – diýip, 3dnews.ru. habar berýär.
Hançžoudaky Tomusky Aziýa Oýunlary 2022-ni gurnaýjylar daşary ýurtlaryň wekillerini alaw estafetasyna gatnaşmaga çagyrýar. Şeýlelikde, olar ýaryşlara gatnaşýan her gatnaşyjy topara 12-nji iýuna çenli alawy göterijiniň dalaşgärligini hödürlemegi teklip etdiler, ol Oýunlaryň açylmagyna üç gün galanda onuň Hançžouda syýahat etmeginiň çäklerinde alawy göterer.
«Akyly» tehnologiýalar bilen tanyşmak üçin GDA-nyň Paýtagtlarynyň we iri şäherleriniň halkara assambleýasyna girýän şäherleriň wekiliýetleri Arkadag şäherine çagyrylarlar. Bu barada ŞHA-nyň baş direktory Wladimir Seliwanow assambleýanyň Habarowsk şäherinde geçirilen XXIX sessiýasynda habar berdi.
Türkiýede 14-nji maýda parlamentiň 28-nji çagyrylyşyna geçirilen saýlawlaryň gutarnykly netijeleri çap edildi. Olar bilen hökümetiň resmi habarlarynda — Resmi Gazete neşirinde tanşyp bolýar – diýip, Anadolu agentligi habar berýär.
