Fransiýa ilkinji gezek millionerleriň sany boýunça dünýäde ilkinji 3-lige girdi we degişlilikde Amerika we Hytaýa ilkinji iki orny berdi. Şeýle-de bolsa, baýlygy bir million dollardan geçýän iň köp baý adam bolan ýurt hökmünde Ýewropada birinji ýeri eýeledi diýip, Şweýsariýanyň UBS bankynyň saýtynda çap edilen «Global maddy hal-ýagdaýy barada» hasabatynda aýdylýar.
Türkmen telekeçisi Arslan Garajaýew daýhanlara we ekerançylara “Nourivit Plus” tehnologiýasy boýunça öndürilen organiki dökünleri hödürleýär. Ol Ahal welaýatynda ýerleşýän kärhanada topraga suwuk görnüşdäki organiki goşundylary öndürip başlady. Mikroorganizm medeniýeti bilen utgaşyklykda Nourivit Plus tebigy mineral goşundysy topragyň ýaramaz şertlerinde-de ekin hasylyny ep-esli ýokarlandyrýar.
Hytaýda dünýädäki iň beýik dag muzeýini gurmagy meýilleşdirýärler. Şambala medeni muzeýi, Syçuan welaýatynyň Gardze-Tibet awtonom sebitiniň, Daoçen uýezdiniň (Dabpa) Ýadin şäherinde ýerleşýär. Ol 3,9 müň metr belentlikde ýerleşýär diýip globaltimes.cn habar berýär.
Nebiti eksport edýän ýurtlaryň guramasy - OPEC Aşgabatda geçiriljek 25-27-nji oktýabr aralygynda Aşgabatda meýilleşdirilýän "Türkmenistanyň nebit we gazy" (OGT- 2023) 28-nji halkara konferensiýasyna gatnaşjakdygyny tassyklady.
Ýaponiýanyň Türkmenistandaky ilçisi Ýamamoto Hiroýuki ýurdumyzyň dzýudo federasiýasynyň başlygy Welmyrat Gurbanmyradow we Türkmenistanyň milli dzýudo toparynyň ýapon tälimçisi Kazuhiko Tokuno bilen duşuşdy diýip, Ashgabatdaky diplomatik wekilhanasynyň metbugat gullugy habar berýär.
Neýmar Saud Arabystanyndan “Al Hilal” klubuna goşuldy. Braziliýaly hüjümçi dört ýyl fransuz çempionatynda çykyş edensoň, PSG-den gaýtdy. Ol ýene bir ýyl uzaltmak mümkinçiligi bilen iki ýyllyk şertnama baglaşdy.
Özbegistanyň Nukus şäherindäki “Panaev Farms” kärhanasynda koronawirus ýokanjyny zyýansyzlandyrýan süýt önümçiligi ýola goýuldy. Özbegistanyň Milli habarlar agentliginiň mälim etmegine görä, bu täsin oýap tapyş we önümçilik 2021-nji ýylda Wena lukmançylyk uniwersiteti bilen hyzmatdaşlykda Halkara molekulýar allergologiýa merkezinde geçirilen ylmy barlaglar esasynda ýola goýuldy.
Hytaý Halk Respublikasynyň Sinszýan-Uýgur awtonom sebitiniň Urumçi şäherinde Hytaý – Ýewraziýa haryt-çig mal sergisi geçiriler. 17 – 21-nji awgustda geçiriljek halkara sergä Merkezi Aziýa döwletleriniň degişli wekilleri hem gatnaşar.
Sişenbe güni Hazar deňziniň kenarynda harby we hukuk goraýjy edaralaryň ýolbaşçylarynyň gatnaşmagynda Türkmenistanyň Döwlet serhet gullugynyň täze binalar we desgalar toplumy açyldy.
Lebap welaýatynda "Çalsana, bagşy!" döredijilik synynyň saýlama tapgyry tamamlandy. Bäsleşigiň jemleýji tapgyry Türkmenabat şäherindäki “Türkmeniň ak öýi” binasynda geçirilip, oňa sebitiň iň zehinli bagşydyr sazandalary gatnaşdylar.
Ýewropada litini gaýtadan işleýän ilkinji zawod Angliýada peýda bolar. Beýik Britaniýanyň hökümeti “Green Lithium” britan kompaniýasyna Angliýanyň Tissaýd şäherinde litini gaýtadan işleýän zawod gurmaga rugsatnama berdi – diýip, “Euronews” habar berýär.
Türkmenistanyň Prezidentiniň Karary bilen, Muhammetnur Öwezow, başga işe geçmegi sebäpli, Türkmenistanyň Gazagystan Respublikasyndaky (Aktau şäheri) konsuly wezipesinden boşadyldy.
Türkmenistanyň Prezidenti Serdar Berdimuhamedow Koreýa Respublikasynyň Prezidenti Ýun Sok Ýola kakasy Ýun Gi Çžunyň aradan çykmagy zerarly gynanç hatyny iberdi.
Türkmenistanyň Prezidenti Serdar Berdimuhamedow Russiýa Federasiýasynyň Prezidenti Wladimir Putine Mahaçkala şäherindäki ýangyç guýulýan bekedinde bolan partlamada adam pidalary we şikesleri bilen baglanyşykly çuňňur gynanjyny bildirdi.
Türkmenistanyň Kamboja Patyşalygyndaky ilçisi Muhammetnyýaz Maşalow iki ýurduň arasyndaky syýahatçylyk gatnaşyklaryny pugtalandyrmak maksady bilen ýurdumyzyň Kamboja göni uçuşlary ýola goýmagy meýilleşdirýändigini habar berdi.
