Millionerleriň sany boýunça dünýä sanawynda Fransiýa üçünji ýeri eýeledi
Fransiýa ilkinji gezek millionerleriň sany boýunça dünýäde ilkinji 3-lige girdi we degişlilikde Amerika we Hytaýa ilkinji iki orny berdi. Şeýle-de bolsa, baýlygy bir million dollardan geçýän iň köp baý adam bolan ýurt hökmünde Ýewropada birinji ýeri eýeledi diýip, Şweýsariýanyň UBS bankynyň saýtynda çap edilen «Global maddy hal-ýagdaýy barada» hasabatynda aýdylýar.
Bäşinji respublika hem ilkinji gezek bu reýtingde Ýaponiýadan (4,6%), Germaniýadan (4,4%) we Beýik Britaniýadan (4,3%) öňe geçdi. Fransiýada millionerleriň sany 2,8 million adama ýetdi we bu millionly baýlaryň hemmesiniň 5 göterimine deňdir. Reýtingde öňki ýeri däp bolşy ýaly 38,2 göterim millionerleri (22,7 million adam) bilen ABŞ saklaýar. Ikinji setir Hytaýa degişlidir - 10,5% (6,23 million adam).
Hasabata görä, dünýädäki millionerleriň umumy sany geçen ýylda 3,5 million azaldy (62,9 milliondan 59,4 milliona çenli), bu 2008-nji ýyldaky global maliýe krizisinden bäri ilkinji gezek gabat gelýär.
ABŞ-ly, Ýaponiýaly, Beýik Britaniýaly, Awstraliýaly, Germaniýaly millionerler «garyp düşdiler». Emma Norwegiýada, Eýranda we Braziliýada, tersine, baýlygy 1 million dollardan geçýän adamlaryň sany köpeldi. Mysal üçin, Fransiýada şeýle adamlaryň sany ýene 25 adam artdy.
ORIENT news
