Hytaýda dünýädäki iň beýik dag muzeýi açylar
Hytaýda dünýädäki iň beýik dag muzeýini gurmagy meýilleşdirýärler. Şambala medeni muzeýi, Syçuan welaýatynyň Gardze-Tibet awtonom sebitiniň, Daoçen uýezdiniň (Dabpa) Ýadin şäherinde ýerleşýär. Ol 3,9 müň metr belentlikde ýerleşýär diýip globaltimes.cn habar berýär.
Bu edaranyň 2023-nji ýylyň sentýabr aýynyň ahyryna çenli açylmagyna we dünýäniň iň beýik medeni muzeýine öwrülmegine garaşylýar. Onuň beýikligi Lhasa şäherindäki Tibetiň maddy däl medeni miras muzeýiniň beýikliginden 150 metr uly bolar.
Muzeýiň binasy minnetdarlygy we gözelligi aňladýan Tibet buddizminiň sekiz sany nyşanlaryndan biri bolan gabygyň görnüşinde. Bina Ýadin milli goraghanasynyň tebigatyna sazlaşykly utgaşýar.
Üç gatly muzeýiň gurluşygy 25-nji aprelde başlandy we 150 günde tamamlanmaly. Binanyň umumy meýdany takmynan 3 müň inedördül metr bolar. Muzeý üçin eýýäm 58 medeni eksponatlar ýygnaldy we ýene 25 sanysy taýýarlanýar.
ORIENT news
