Çarşenbe güni, 27-nji dekabrda Aşgabatda 2023-nji ýylyň netijeleri boýunça halkara maslahat geçirildi, onuň çäginde Türkmenistanyň ähli pudaklarynda gazanylan netijeleri şeýle hem ýokary okuw mekdepleriniň döwlet durmuşynda tutýan ornuny görkezýän köpugurly sergi açyldy, sebäbi forumyň esasy maksady ýaşlaryň ýurduň, milli ykdysadyýetiň we jemgyýetiň ösüşine goşýan goşandyny açyp görkezmekdi.
Çarşenbe güni, 27-nji dekabrda Aşgabatda ýylyň netijlerine bagyşlanyp geçirilen halkara ylmy-amaly maslahatda Türkmenistanyň 2023-nji ýyldaky gazanan netijeleri we esasy üstünlikleri kesgitlendi. Olaryň birnäçesi forumyň dowamynda yglan edilen we tematiki sessiýalarynda degişli şahadatnamalaryň berilmegi bilen dabaralandyrylan halkara guramalary tarapyndan hem bellendi.
Prezident Serdar Berdimuhamedowyň Permany bilen russiýaly aýdymçy we Russiýa Federasiýasynyň kompozitory Anna Şuroçkina “Türkmenistanyň at gazanan artisti” diýen hormatly ada mynasyp boldy.
Hytaýyň günortasyndaky Şençžen megapolis şäherinde uçarmansyz ýolagçy uçarlarynyň gatnawlary üçin howa merkezi açyldy. Bu barada “Sinhua” habarlar agentligi mälim edýär.
Türkmenistanyň, Özbegistanyň, Eýranyň we Türkiýäniň demirýol edaralarynyň wekilleri Stambul şäherinde ilkinji bilelikdäki mejlisi geçirdiler.
Azerbaýjanyň Sanly ösüş we ulag ministrligi Ulag logistikanyň sanly maglumat ulgamynyň taslamasynyň konsepsiýasyny taýýarlady.
26-njy dekabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow «Baykar Makina Sanayi we Tijaret A.Ş.» kompaniýasynyň baş müdiri Lütfü Haluk Baýraktar we «BMC Otomotiv Sanayi we Tijaret A.Ş.» kompaniýasynyň dolandyryjylar geňeşiniň başlygy Fuat Tosýaly bilen duşuşdy.
26-njy dekabrda Türkmenistanyň Döwlet haryt-çig mal biržasynda geçirilen söwda geleşiklerinde nebithimiýa we ýeňil senagatyň önümleri ýerlenildi.
26-njy dekabrda Russiýanyň Sankt-Peterburg şäheriniň “Konstantinow” köşgünde Garaşsyz Döwletleriň Arkalaşygyna agza döwletleriň Liderleriniň resmi däl duşuşygy geçirildi.
Türkmenistanyň IIM-niň Ýangyn howpszulygy gullugy TMCEL müşderilerine SMS arkaly Täze ýyl arçalary bezelende ýangyn howpsuzlyk kadalarynyň berjaý edilmelidigini ýatlatdy.
“Türkmenhowaýollary” 2024-nji ýylyň birinji çärýeginde täzelenen hyzmaty bilen üç sany täze ugurlara uçuşlaryny goşmak bilen amaly iş ulgamyny giňeltmegi meýilleşdirýär. Bu ugurlar boýunça, 5-nji ýanwardan Aşgabat - Abu Dabi, 5-nji martdan Aşgabat - Hoşimin we 6-njy martdan Aşgabat - Milan şäherlerine uçuşlar ýola goýlar.
2023-nji ýylyň 10 aýynda Türkmenistan bilen Russiýa Federasiýasynyň arasynda söwda dolanyşygynyň fiziki görkezijisi 8% artyp - 535 müň tonna deň boldy. Russiýanyň eksporty 5,5%, Türkmenistandan importy bolsa 21% ýokarlandy. Azyk önümleri we oba hojalygyna degişli çig mallary boýunça Türkmenistandan Russiýa iberilýän önümler 33%, himiýa senagaty önümleri bolsa - 57% ýokarlandy diýip, Russiýanyň ykdysady ösüş ministriniň orunbasary Dmitriý Wolwaç ykdysady hyzmatdaşlyk boýunça Hökümetara rus-türkmen toparynyň çäklerinde geçirilen söwda we maýa goýumlaryny goldamak boýunça ýokary derejeli toparyň 9-njy mejlisinde aýtdy.
Kasym-Žomart Tokaýew Ýokary Ýewraziýa ykdysady geňeşiniň Sankt-Peterburgda geçirilen nobatdaky mejlisinde Ýakyn Gündogar, Eýran, Päkistan we Hindistan döwletlerine girmek üçin “Demirgazyk-Günorta” geçelgesiniň ösüşine ünsi çekdi. Tokaýew: “Geçelgäniň mundan beýläk-de ösdürilmegi üçin Gazagystandan, Russiýadan we Türkmenistandan logistika kompaniýalarynyň bilelikdäki kärhanasyny döredilýär. ÝAYB-nyň beýleki ýurtlaryndan demir ýol administrasiýalaryny bu işe goşulmaga çagyrýaryn"-diýdi. Bu barada “Akorda” web sahypasynda habar berilýär.
Türkmen halkynyň Milli Lideri, Gahryman Arkadagymyzyň, Arkadagly Gahryman Serdarymyzyň taýsyz tagallalarynyň netijesinde amala aşyrylýan giň gerimli işler, durmuşa geçirilýän beýik özgertmeler, şol sanda gurulýan döwrebap obadyr şäherler, ilkinji nobatda, ýaşlaryň bagtyýarlygyny, halkymyzyň röwşen geljegini nazarlaýar.
Russiýanyň Prezidenti Wladimir Putiniň çakylygy bilen Täze ýylyň öňüsyrasynda Sankt-Peterburg şäherinde GDA agza döwletleriň Baştutanlarynyň resmi däl duşuşygy geçirilýär.
