15-nji maýda Daşoguz şäherinde Özbegistan Respublikasynyň Adatdan daşary we Doly ygtyýarly ilçisi Akmaljon Kuçkarow Daşoguz welaýatynyň häkimi Soltanmyrat Soltanmyradow bilen duşuşdy. Gepleşigiň dowamynda Özbegistan Respublikasynyň Horezm welaýatynyň we Daşoguz welaýatyň arasyndaky söwda-ykdysady gatnaşyklary giňeltmegiň ýollary hem-de maýa goýum hyzmatdaşlygy barada möhüm meseleler ara alnyp maslahatlaşyldy.
Jemleýji resminama “Ösüş maliýeleşdirmesini güýçlendirmek üçin ulag we energiýa birikmesi boýunça ýokary derejeli diolog: BMG-nyň 2026 – 2035-nji ýyllar üçin «Durnukly ulagyň onýyllygy» - energiýa birikmesi üçin Aşgabat platformasy” ady bilen Baş Assembleýanyň 78-nji sessiýasynyň jemleýji resminamasy hökmünde kabul edilip, BMG-nyň alty resmi dilinde neşir edildi we ýaýradyldy.
Birleşen Milletler Guramasynyň Ženewadaky edarasynyň ýanyndaky Türkmenistanyň hemişelik wekili Wepa Hajiýew Halkara Gyzyl Haç Komitetiniň (HGHK) prezidenti Mirýana Spolýariç-Egger bilen duşuşdy.
2024-nji ýylyň 14-nji maýynda «Türkmenistanyň Ulag-logistika merkezi» açyk görnüşli paýdarlar jemgyýetiniň gurnamagynda Stambul şäherinden gelýän ýükleri «MNG Havayollari ve Taşimaçilik A.Ş.» kompaniýasynyň howa gämilerinden düşürip, Türkmenbaşy Halkara howa menzilinden awtoulaglara geçirip multimodal görnüşde Gazagystan Respublikasynyň Aktobe şäherine ugradyldy.
15-nji maýda, «Türkmenaragatnaşyk» agentliginiň Politehniki orta hünär okuw mekdebinde Gündogaryň beýik akyldary we nusgawy şahyry Magtymguly Pyragynyň eserlerinden ugur alyp, ýaşlary watansöýüjilik ruhunda terbiýelemek we olaryň ruhy-ahlak medeniýetini kemala getirmek ýaly meselelerine bagyşlanan wagyz-nesihat çäresi geçirildi.
Aşgabat şäherindäki syýahatçylyk orta hünär okuw mekdebi 2024-nji ýylyň 16-17-nji maýynda gyzyklanýanlaryň hemmesine şatlyk bilen gapylaryny açar!
Sizi otly bilen Türkiýäniň ýatdan çykmajak ýerlerine syýahat etmek üçin çagyrýarys. “Mesopotamiýa ekspressi”—bu täze syýahatçylyk ugry Gündogar we Günorta-Gündogar Anadolynyň çäklerinden geçer.
13-nji maýda, Duşenbe güni, Türkmenistanyň Döwlet haryt-çig mal biržasynyň söwdalarynda nebithimiýa we ýeňil senagat önümleri ýerlenildi. BAE-niň telekeçileri “Türkmenhimiýa” döwlet konserni bilen “Y-354” kysymly tehniki uglerody satyn almak barada geleşik baglaşdylar.
BAE-niň milli Internet prowaýderi Etisalat (e&) telekommunikasiýalar kompaniýasy dünýäde iň ýokary tizlikli 5G ulgamyny ornaşdyryp, rekord goýdy. Ulgamyň tizligi 30,5 Gbit/sekunda barabardyr.
Şu gün, 2024-nji ýylyň maý aýynyň 14-ne - ABŞ-nyň Halkara ösüş gullugy (USAID) 13-nji Merkezi Aziýa Söwda Forumyny (CATF) açdy. Şu ýylky “Söwda baglanyşyklary: Global köprüler” atly forumy 14-nji we 15-nji maýynda Gazagystanyň Almaty şäherindäki «Rixos Hotel» atly myhmanhanasynda geçirilýär. Merkezi Aziýa Söwda Forumy - bu aragatnaşygy, telekeçiligi we söwda syýasatyny ösdürýän sebitdäki esasy söwda wakalaryň biridir.
30 ýyl uzak wagt, bu döwürde dünýäde köp zat boldy. Möhüm geosyýasy üýtgeşmeleri gördük, dürli tolgunyşyklaryň şaýady bolduk, ýöne belent sepgitleri we üstünlikleri hem gördük. Türkmenistan halkara jemgyýetçiligi tarapyndan ykrar edilen we geljek ýyl 30 ýyllygyny belleýän hemişelik Bitaraplyk derejesiniň nazaryýet ýörelgelerini netijeli durmuşa geçirdi.
Bilim, howpsuzlyk, howanyň üýtgemegi, ulag we üstaşyr geçelgeleriniň ösüşi, energiýa, sanly ykdysadyýet, suw serişdeleri dolandyrmak we söwda - bu ugurlar Aşgabatda geçirilen ýubileý maslahatynda Türkmenistan bilen Ýewropa Bileleşiginiň arasyndaky gatnaşyklaryň ileri tutulýan ugurlarynyň hataryna goşuldy.
Belgiýanyň Brýugge şäherinde möhüm çäre bolup geçdi: Ýewropa kolleji tarapyndan Ýewropanyň daşary hereketler gullugynyň goldawy bilen täze bilim maksatnamasy işe girizildi. Merkezi Aziýanyň ýaş diplomatlaryna gönükdirilen bu maksatnama sebitleriň arasyndaky bilim we diplomatik gatnaşyklary berkitmek üçin döredildi.
Daşary işler ministriniň orunbasary Ahmet Gurbanowyň ýolbaşçylygyndaky türkmen wekiliýeti 14-nji maýda sişenbe güni Astanada geçirilen Merkezi Aziýa + Ýaponiýa dialogyna gatnaşyjy ýurtlaryň ýokary wezipeli işgärleriniň ýygnagyna gatnaşdy. Duşuşyga Ýaponiýanyň, Gazagystanyň, Gyrgyzystanyň, Täjigistanyň we Özbegistanyň daşary syýasat edaralarynyň başlyklarynyň orunbasarlary, Gazagystanda işleýän Merkezi Aziýa ýurtlarynyň ilçileri, ýerli we daşary ýurt habar beriş serişdeleriniň wekilleri gatnaşdylar.
Birleşen Milletler Guramasynyň Türkmenistandaky Ösüş Maksatnamasy (BMGÖM) BMGÖM-iň Bilim Taslamasy bilen bilelikde Türkmenistanda ýaşlar we zenanlar üçin bilim almak hem-de hünär başarnyklaryny ýokarlandyrmak mümkinçiligini döretmek arkaly ýaşlaryň iş bilen üpjünçilik mümkinçiligini giňeltmek üçin «FutureSkills4All» başlangyjyna goşulýar. Başarnyklary ösdürmek boýunça bu başlangyç Ýaponiýanyň hökümeti tarapyndan maliýeleşdirilýän we Türkmenistandaky BMGÖM hem-de Türkmenistanyň Zähmet we ilatyny durmuş taýdan goramak ministrligi tarapyndan durmuşa geçirilýän «Merkezi Aziýada zorlukly ekstremizmiň (ZEÖA) öňüni almak üçin durnukly jemgyýetleri ösdürmek» taslamasynyň ýurt boýunça düzüminiň çäginde amala aşyrylýar.
