Türkmen karateçisi Erkin Taganow 23-nji fewraldan 26-njy fewral aralygynda Fujeýrede (BAE) geçirilen Karate Ýaşlar ligasynyň 1-nji tapgyrynda bürünç medal gazanmagy başardy.
Duşenbe güni ABŞ-nyň Döwlet sekretary Entoni Blinkeniň Gazagystana, Özbegistana we Hindistana sapary başlandy. Blinken öz resmi Twitter akkaundynda Hindistanda geçiriljek G20 ministrler duşuşygyna gatnaşjakdygyny aýtdy we Merkezi Aziýada hyzmatdaşlygyň ösmegine umyt bildirýändigini belläp geçdi.
Şu gün, 2023-nji ýylyň 27-nji fewralynda Türkmenistanyň Daşary işler ministrliginde ýurdumyzyň degişli ministrlikleriniň, pudak edaralarynyň, jemgyýetçilik guramalarynyň we Birleşen Milletler Guramasynyň Türkmenistandaky Hemişelik utgaşdyryjysynyň wekilhanasynyň, Birleşen Milletler Guramasynyň Ösüş Maksatnamasynyň (UNDP), Birleşen Milletler Guramasynyň Ilat gaznasynyň (UNFPA) hem-de Birleşen Milletler Guramasynyň Çagalar Gaznasynyň (UNICEF) Türkmenistandaky wekilhanalarynyň arasynda resminamalara gol çekişmek dabarasy geçirildi.
BMG-niň Baş Assambleýasy Türkmenistan tarapyndan hödürlenilen “BMG-niň Merkezi Aziýa üçin öňüni alyş diplomatiýasy boýunça Sebit merkeziniň eýeleýän orny” atly kararnamany kabul etdi.
Şu gün hormatly Prezidentimiz Serdar Berdimuhamedowyň tabşyrygy boýunça Mejlisiň başlygy G.Mämmedowa Gwatemala Respublikasynyň Adatdan daşary we Doly ygtyýarly ilçisi Haýro Dewid Estrada Barriosdan ynanç hatyny kabul etdi.
Welaýat häkimleri welaýatlaryň ekin meýdanlaryndaky möwsümleýin oba hojalyk işleriniň ýerine ýetirilişi, şeýle hem Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2028-nji ýyla çenli döwür üçin Milli maksatnamasyndan gelip çykýan wezipeleriň amala aşyrylyşy barada hasabat berdi.
Wise-premýer, Türkmenistanyň daşary işler ministri Raşid Meredow premýer-ministriň orunbasary, Gazagystanyň DIM-niň ýolbaşçysy Muhtar Tleuberdi bilen gepleşikleri geçirdi. Gepleşikler duşenbe güni Astanada, С5+1 görnüşinde Merkezi Aziýa ýurtlarynyň we ABŞ-nyň daşary syýasat edaralarynyň ýolbaşçylarynyň ministrler derejsinde boljak duşuşygynyň öňüsyrasynda geçirildi.
Azyk önümlerini öndürmekde ýöriteleşen türkmen kompaniýalary dünýäde iň iri "Gulfood 2023" sergisine, şeýle hem her ýyl 20-24-nji fewral aralygynda Dubaýda geçirilýän Pars aýlagy we Ýakyn Gündogar sebitinde azyk senagatynyň halkara sergisine gatnaşdylar.
Türkmenistanyň Mejlisiniň Başlygy Gülşat Mämmedowa duşenbe güni Gwatemala Respublikasynyň Adatdan daşary we Doly ygtyýarly ilçisi Haýro Dawid Estrada Barriosdan ynanç hatyny kabul etdi.
Şu gün Türkmenistanyň DIM-de döwlet edarlarynyň we Birleşen Milletler Guramasynyň ýöriteleşdirilen düzümleri bilen mundan beýläk-de gatnaşyk etmek hakynda resminamalaryň uly toplumyna gol çekmek dabarasy geçirildi. Täze resminamalar 2021-2025-nji ýyllar üçin BMGÖM-e, UNISEF we UNFPA bilen bilelikdäki maksatnamalarda kesgitlenilen ileri tutulaýn ugurlar boýunça netijeli hyzmatdaşlygy ösdürmäge gönükdirilendir.
Aşgabatdaky A.S. Puşkin adyndaky bilelikdäki türkmen-rus mekdebinde däp bolup gelýän gündogar slawýan baýramyny - maslenisany belläp geçdiler - diýip, «МИР 24» teleýaýlymy habar berýär.
PETRONAS Çarigali (Türkmenistan) Sdn Bhd sizi 14-nji martda geçiriljek açyk gapylar günine çagyrýar.
Şu gün "Gazprom" PJ-niň müdiriýetiniň başlygy Alekseý Miller bilen Eýran Yslam Respublikasynyň Russiýa Federasiýasyndaky Adatdan daşary we Doly ygtyýarly ilçisi Kazem Jelali bilen iş duşuşygy geçirildi.
Türkmenistanda ilkinji gezek italýan alymy, mugallymy we lukmany Mariýa Montessoriniň öňdebaryjy usulyýeti ornaşdyrylan täze innowasion bilim merkezi - Perzent bilim merkezi Aşgabatda açyldy.
Яндекс kompaniýasy Forbes žurnalynyň wersiýasy boýunça 2023-nji ýylda runetiň iň gymmat kompaniýalarynyň reýtinginiň birinjiligini eýeledi. Ikinji we üçünji orny degişlilikde Wildberries we Ozon eýelediler, Forbes žurnalynda çap edilen «Runetiň 30 iň gymmat kompaniýalary - 2023» reýtingi muňa şaýatlyk edýär.
