Habarlar

Ärdoganyň kasam kabul ediş dabarasy Ankarada 3-nji iýunda geçiriler

Rejep Taýyp Ärdoganyň inaugurasiýa (kasam kabul ediş) dabarasy we ministrler kabinetiniň täze düzüminiň yglan edilmegi 3-nji iýunda, şenbe güni Ankaradaky Prezident toplumynda geçiriler. Dabara daşary ýurt döwlet we hökümet baştutanlarynyň onlarçasy, 70-den gowrak ýurtlardan resmi wekiliýetler we ýokary derejeli myhmanlar, şeýle hem halkara guramalarynyň wekilleri gatnaşarlar – diýip, Anadolu agentligi Türkiýäniň prezident administrasiýasynyň aragatnaşyk bölüminiň ýolbaşçysy Fahrettin Altunyň sözlerine salgylanmak bilen habar berýär.

13:18 Iýun 03, 2023

Amerikanyň ýokary okuw mekdepleriniň wekilleri Türkmenistanda bilim boýunça kiçi-ýarmarka geçirerler

Amerikanyň Birleşen Ştatlarynda okamak isleýänler üçin ajaýyp mümkinçilik döredi. 9-njy we 16-njy iýunda Aşgabatda bilim boýunça kiçi-ýarmarka geçiriler, onuň çäklerinde Amerikanyň ýokary okuw mekdepleriniň wekilleri türkmenistanlylary ummanyň aňyrsyndaky bilim ulgamy, ýüz tutmalary tabşyrmagyň tertibi, şeýle hem daşary ýurtly dalaşgärler üçin stipendiýalar bilen tanyşdyrarlar.

12:27 Iýun 03, 2023

Türkmenistanda 24-nji iýundan 29-njy iýun aralygynda Türki döwletleriň Medeniýet hepdeligi geçiriler

Türkmenistanda 24-nji iýundan 29-njy iýun aralygynda Azerbaýjandan, Gazagystandan, Türkiýeden we Özbegistandan gelen wekilleriň, şeýle hem Türki medeniýetiň halkara guramasynyň (TÜRKSOÝ) ýolbaşçylarynyň we onuň Sekretariatynyň gatnaşmagynda Türki döwletleriň Medeniýet hepdeligi geçiriler.

12:11 Iýun 03, 2023

Daşoguz we Lebap welaýatlarynda tokaý goraýyş zolaklary peýda bolar

Aralyň ýakasynda ekologiki ýagdaýy gowulandyrmak maksady bilen Milli tokaý maksatnamasyny ýerine ýetirmeginiň çäklerinde Daşoguz we Lebap welaýatlarynda täze tokaý goraýyş zolaklaryny dörederler – diýip, wise-premýer Annageldi Ýazmyradow anna güni bolan Türkmenistanyň Ministrler Kabinetiniň mejlisinde aýtdy – diýip, TDH habar berýär.

11:48 Iýun 03, 2023

«Türkmenaragatnaşyk» agentliginde Çagalary goramagyň halkara gününe bagyşlanyp maslahat geçirildi

Çagalary goramagyň halkara gününe bagyşlanyp Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentligi, «Altyn Asyr» ÝGPJ, Türkmenistanyň Zenanlar birleşigi we ýurduň Kärdeşler arkalaşygynyň Merkezi geňeşi bilen bilelikde maslahat gurady.

11:01 Iýun 03, 2023

Kazanda Bütindünýä welosiped güni mynasybetli welosipedli ýöriş geçirildi

3-nji iýunda bellenip geçilýän Bütindünýä welosiped güni mynasybetli Türkmenistanyň Russiýa Federasiýasyndaky Baş konsullygy (Kazan ş.) welosipedli ýöriş gurady.

01:44 Iýun 03, 2023

Türkmenistanda Bütindünýä temmäkisiz gününi bellediler

Her ýylda 31-nji maýda bellenip geçilýän Bütindünýä temmäkisiz güni mynasybetli BSGG-nyň Türkmenistandaky ýurt edarasy ýaşlar maslahatyny geçirdi.

01:40 Iýun 03, 2023

TDHÇB-daky söwdalaşyklar: $300 müň amerikan dollary möçberinde tüýjümek önümler eksporta ugradyldy

Anna güni, 2-nji iýunda, Türkmenistanyň Döwlet haryt-çig mal biržasyndaky söwdalaşyklarda jemi bahasy $298,8 müň amerikan dollaryna deň bolan 3 geleşik baglaşyldy – diýip, ORIENT habar berdi.

01:37 Iýun 03, 2023

Türkmenistanyň Daşary söwda düzgüni barada Ähtnamany işläp düzmek boýunça Iş topary döredildi

Türkmenistanyň Bütindünýä Söwda Guramasyna agza bolmagy bilen bagly meseleleri utgaşdyrmak maksady bilen, ýurdumyzyň daşary söwda düzgüni barada Ähtnamany işläp düzmek boýunça iş topary döredildi. Degişli Karara Prezidentimiz Serdar Berdimuhamedow anna güni geçirilen hökümet mejlisinde gol çekdi.

01:35 Iýun 03, 2023

Metan zyňyndy gazlaryny azaltmak boýunça Türkmenistanyň pudagara topary döredildi

Türkmenistanyň Prezidenti Serdar Berdimuhamedow anna güni geçirilen Ministrler Kabinetiniň mejlisiniň barşynda Metan zyňyndy gazlaryny azaltmak boýunça Türkmenistanyň pudagara toparyny döretmek hakynda karara gol çekdi - diýip, TDH habar berýär.

01:34 Iýun 03, 2023

Türkmenistan energetika we ulag arabaglanyşygy boýunça ÝB bilen bilelikdäki taslamalaryň tarapdary

Türkmenistan bilen Ýewropa bileleşiginiň arasynda dürli görnüşdäki yzygiderli duşuşyklar, şol sanda parlamentara hyzmatdaşlyk arkaly goldanylýan ýokary derejeli syýasy gatnaşyklar ýola goýuldy – diýip, türkmen wise-premýeri Nurmuhammet Amannepesow Merkezi Aziýa döwletleriniň baştutanlarynyň we Ýewropa Geňeşiniň başlygynyň penşenbe güni Çolpon-Atada geçirilen sammitinde eden çykyşynda aýtdy.

00:42 Iýun 03, 2023

ÝHHG-nyň Baş sekretary Türkmenistanyň Baştutanyna Arkadag şäheri we Türkmenbaşy porty barada şahadatnamalary gowşurdy

Türkmenistanyň Prezidenti Serdar Berdimuhamedow penşenbe güni ÝHHG-nyň Baş sekretary Helga Şmidi kabul etdi. Duşuşykda ol döwlet Baştutanyna Arkadag şäheriniň “Ýewropada Howpsuzlyk we Hyzmatdaşlyk Guramasynyň sebitinde durnukly, “ýaşyl”, howa üçin oňaýly we innowasion çözgütli şäherleri ösdürmek” taslamasyna goşulýandygy baradaky hem-de Türkmenbaşy Halkara deňiz portuna berlen “EcoPorts” güwänamalaryny gowşurdy.

22:35 Iýun 02, 2023

Pakistayň moda hepdeliginde gündogar kaşaňlygy

Karaçi moda hepdeligi – 2023, Pakistanyň iň uly şäherleriniň biri bolan Karaçi şäherinde tamamlandy. Moda görkezişi ýurduň moda pudagynda esasy waka we musulman dünýäsinde 2009-njy ýyldan bäri her ýyl geçirilýän iň uly moda görkezişidir.

22:17 Iýun 02, 2023

"Awaza" Milli syýahatçylyk zolagynda kuwwatlylygy 370 kWt bolan gün elektrik stansiýasy işe girizildi

“Awaza” Milli syýahatçylyk zolagynda ýerleşýän “Hasyl” myhmanhanasynda anna güni kuwwatlylygy 370 kWt bolan gün elektrik stansiýasy işe girizildi. 29 gün paneli CO2 ekwiwalentinde parnik gazlarynyň zyňyndylaryny ýylda 104 tonna barabar azaltmaga kömek eder diýip, çärede hünärmenler bellediler.

21:24 Iýun 02, 2023

Özbegiýanyň Hywa şäheri «Ýylyň yslam ugry» baýragy bilen sylaglandy

Hywa şäherine abraýly «Ýylyň yslam ugry» baýragyny gowşurmak dabarasy, Singapurdaky «Halal in Travel Global Summit 2023» sammitinde geçirildi. Oňa özbek wekiliýeti hem gatnaşdy. Dalaşgärlere baýraklar Singapuryň «Crescentrating Pte. Ltd.» kompaniýasy tarapyndan gowşuryldy. Ol her ýyl halal syýahatçylygynyň özüne çekijiligi boýunça daşary ýurtlara baha berýär we sylaglaýar diýip, «Dunýo» HA habar berýär.

20:52 Iýun 02, 2023

19779789791279