Kazanda Bütindünýä welosiped güni mynasybetli welosipedli ýöriş geçirildi

Iýun 03, 2023 | 01:44 |7328

Çeşme: kazan.tmconsulate.gov.tm

3-nji iýunda bellenip geçilýän Bütindünýä welosiped güni mynasybetli Türkmenistanyň Russiýa Federasiýasyndaky Baş konsullygy (Kazan ş.) welosipedli ýöriş gurady.

Welosipedli ýöriş Russiýadaky iň uly «Урам» ekstrim-seýilgähinden badalga aldy, soňra Kazanka derýasynyň ugry boýunça Kreml kenarýakasy bilen dowam etdi. Sport çäresi Türkmenistanyň raýatlaryndan ybarat bolan ýaş adamlary hem birleşdirdi, olar welosipedli ýörişi özboluşly däp etmek niýetlerini beýan etdiler.

Bütindünýä welosiped güni BMG tarapyndan Türkmenistanyň başlangyjy bilen has ekologiki we adamyň saglygyny berkitmäge ýardam ediji ulagyň bu görnüşini meşhur etmek maksady bilen döredildi.

ORIENT habarlar