Magtymguly adyndaky Türkmen döwlet uniwersitetiniň mugallymlary M. W. Lomonosow adyndaky Moskwanyň döwlet uniwersiteti we Belorus döwlet uniwersiteti tarapyndan guralan seminarlara gatnaşdylar - diýip, «Neýtralnyý Turkmenistan» gazeti habar berýär.
Türkmenistanň Prezidenti Serdar Berdimuhamedow Karara gol çekdi, şoňa laýyklykda senagat gurluşyk materiallaryny, önümlerini we konstruksiýalaryny öndürmek boýunça işleri ygtyýarlylandyrmak hakynda Düzgünnama tassyklanyldy – diýip, resmi türkmen metbugaty habar berýär.
Türkiýäniň prezidentligine dalaşgärleriň saýlawlarynyň öňüsyrasynda ikinji tapgyryň çäklerindäki wagyz işleri başlandy – diýip, Anadolu maglumatlar agentligi habar berýär. Ses bermekligiň birinji tapgyrynyň netijeleri boýunça dalaşgärleriň hiç biriniň birinji tapgyrdaky ýeňiş üçin sesleriň 50% alyp bilmändigi sebäpli, saýlawlaryň ikini tapgyry bellendi.
Duşenbe güni, 15-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $1,7 mln amerikan dollaryna deň bolan 4 geleşik baglaşyldy - diýip, ORIENT-iň habarçysy habar berýär.
HHR-nyň başlygy Si Szinpin Merkezi Aziýadan Hytaýda bilim alýan ýaşlary özlerini bu ýurt bilen sebitiň döwletleriniň arasynda dostlugy öňe sürmäge we gatnaşyklary pugtalandyrmaga bagyş etmeklige çagyrdy – diýip, China daily habar berýär.
USAID-iň Merkezi Aziýada söwda (TCA) maksatnamasynyň ýardam etmeginde «Türkmen Logistika» birleşmesi CILT Central Asia bilen bilelikde türkmen hünärmenleri üçin logistikada ätiýaçlandyryş boýunça seminarlary guraýar.
Türkmenistanyň ýaşlar ýygyndysy (U-20) Merkezi-Aziýa futbol birleşmesiniň çempionatyna (CAFA) gatnaşar – diýip, subfederasiýanyň metbugat gullugy habar berýär.
Finleriň telekommunikasion enjamlaryny öndüriji Nokia kompaniýasy 2030-njy ýyla çenli öz ofislerinde energiýanyň gaýtadan dikeldilýän çeşmelerine doly geçmekligi meýilleşdirýär. Bu barada kompaniýanyň Türkiýe we Merkezi Aziýa boýunça wise-prezidenti Demetrio Russo Bakuwda açylan GSMA M360 EURASIA 2023 Halkara maslahatynda mälim etdi.
Özbegistanyň paýtagtynda noýabr aýynyň 6-dan 10-y aralygynda Ýewraziýa halklarynyň «Parahatçylyk we dostluk üçin» atly ilkinji Halkara döredijilik festiwaly geçiriler diýip, GDA-nyň Ýerine ýetiriji komiteti habar berýär.
«Biz ÝUNESKO bilen hyzmatdaşlygy ösdürmäge jogapkärçilikli we yzygiderli çemeleşýäris», - diýip Prezidentimiz Serdar Berdimuhamedow duşenbe güni Tährandaky ÝUNESKO-nyň klaster edarasynyň başlygy, ÝUNESKO-nyň Türkmenistanda we Eýranda wekili Golda El-Huri bilen bolan duşuşygynda aýtdy. Şeýle hem myhman BMG-nyň bilim, ylym we medeniýet boýunça edarasynyň Türkmenistan bilen hyzmatdaşlygyny ösdürmek islegini belläp geçdi.
Türkmenistanyň Halk Maslahatynyň Başlygy Gurbanguly Berdimuhamedow bilen Täjigistanyň Prezidenti Emomali Rahmonyň arasynda telefon söhbetdeşligi geçirildi.
Duşenbe güni Astanada Türkmenistan bilen Gazagystanyň arasyndaky ykdysady, ylmy, tehniki we medeni hyzmatdaşlyk boýunça hökümetara toparynyň on ikinji mejlisi geçirildi. Türkmen wekiliýetine, şol forumyň egindeş başlygy hökmünde hem çykyş eden, Türkmenistanyň Ministrler Kabinetiniň Başlygynyň orunbasary Batyr Atdaýew ýolbaşçylyk etdi. Gazak tarapyna Gazagystan Respublikasynyň premýer-ministri Roman Sklýar wekilçilik etdi.
Aşgabatda Türkmenistanyň Birleşen Milletler Guramasynyň bilim, ylym we medeniýet meseleleri boýunça ýöriteleşdirilen edarasy – ÝUNESKO agza bolmagynyň 30 ýyllygyna bagyşlanan halkara konferensiýasynyň geçirilmegi Türkmenistanyň Daşary işler ministriniň orunbasary Mähri Bäşimowa we ÝUNESKO-nyň klaster edarasynyň direktory Golda El- Huri tarapyndan ara alnyp maslahatlaşyldy. Duşuşyk, duşenbe güni Türkmenistanyň Daşary işler ministrliginde geçirildi diýip, Türkmen Daşary işler ministrliginiň saýty habar berýär.
17-nji maýda söwda amallaryny ýönekeýleşdirmek boýunça Central Asia Gateway sebitleýin portala we Ready4Trade Merkezi Aziýa Taslamasynyň eksport we halkara söwdasy boýunça okuw maksatnamasyna badalga berilmegi mynasybetli metbugat-maslahaty geçiriler. Taslama Ýewropa Birleşigi tarapyndan maliýeleşdirilýär we Halkara söwda merkezi (HSM) tarapyndan ýerine ýetirilýär.
Ýapon hökümeti Türkmenistanyň DIM-niň Halkara gatnaşyklary institutyna Read Japan maksatnamasynyň çäklerinde ýapon dilindäki kitaplary gowşurdy – diýip, Tokiodaky türkmen diplomatik wekilhanasy habar berýär.
