Wengriýa türkmen tebigy gazyny satyn almaga gyzyklanma bildirýär
Wengriýa Türkmenistandan tebigy gazy satyn almaga gyzyklanma bildirdi – diýip, Wengriýanyň daşary işler we daşary ykdysady aragatnaşyklar ministri Peter Siýýartonyň beýanatyna salgylanyp, Trend habar berýär.
Türkmenistanda tebigy gazyň köp ätiýaçlyklarynyň bardygyny belläp, ministr türkmen gazyny Ýewropanyň ýurtlarynyň energetika ulgamyna girizmäge mümkinçilik berjek degişli infrastrukturasyny döretmekde Wengriýanyň ýardam etmäge taýýardygyny beýan etdi.
Häzirki wagtda wenger wekiliýeti premýer-ministr Wiktor Orbanyň baştutanlygynda resmi sapar bilen Aşgabatda bolýar. Türkmenistanyň Prezidenti Serdar Berdimuhamedow bilen gepleşikleriň netijesinde türkmen-wenger hyzmatdaşlygyny pugtalandyrmak boýunça resminamalara gol çekildi.
ORIENT habarlar
