Gadymy türki golýazmalar häzirki wagtda Şwesiýanyň Uppsala we Lund uniwersitetleriniň kitaphanalarynda saklanýar. Kitap neşirleriniň ýeke-täk gadymy nusgalary XIX we XX asyrlarda şwesiýaly missionerler tarapyndan ýygnaldy. Kitaphana gorlarynda türki eserleriň jemi 858-si saklanýar, olaryň 500-den gowragynyň dublikaty bar we olaryň hemmesi Özbegistana ugradylar – diýip, upl.uz habar berýär.
Elektronika dünýäsi we “Berkarar” SDAM-niň SAMSUNG dükanlary iýul aýynyň 7-den 31-i aralygynda “Amatly tomus” aksiýany geçirýär. Aksiýanyň çäklerinde dükanlardan dünýä belli HITACHI sowadyjylarynyň bellenen görnüşlerini satyn alan müşderilere WHIRLPOOL kir ýuwujy maşyny ýa-da HITACHI tozan sorujylary sowgat beriler. HITACHI sowadyjylaryna dükanlar tarapyndan 3 ýyl kepillik berilýär.
Türkmenistanyň Pensiýa gaznasy «Döwlet pensiýa ätiýaçlandyrmasy hakynda» Türkmenistanyň kanunynyň 23-nji maddasyna laýyklykda 2023-nji ýylyň I ýarym ýyly üçin hasaplaşyk döwrüniň başlanandygyny ýatladyp, şu ýylyň 1-nji iýulyndan 15-nji awgusty aralygynda pensiýa gatançlarynyň tölenilmeginiň zerurlygyny ýatladýar.
Aşgabatda Merkezi Aziýada neşe serişdeleriniň ýaýradylmagynyň öňüni almak boýunça Maksatnamanyň 7-nji tapgyrynyň (CADAP 7) Dolandyryjy toparynyň Ikinji mejlisi geçdi. Bu barada Maksatnamanyň resmi saýtynda habar berilýär.
Pekinde sanly ykdysadyýet boýunça bütindünýä maslahaty açyldy. Çäräniň gurnaýjylary bolup Pekiniň Halk hökümeti, täjirçilik Ministrligi, HHR-nyň senagat we informatizasiýa Ministrligi, şeýle hem internet-maglumatynyň Döwlet diwanhanasy çykyş etdiler- diýip, China daily habar berýär.
Russiýanyň döwlet maglumatlar agentligi TASS-da baş direktor çalyşdy- diýlip, agentligiň saýtynda habar berilýär. Degişli buýruga RF-nyň premýer-ministri Mihail Mişustin gol çekdi.
Dört sagat işiň dowamynda Twitteriň Meta-dan analogynda — Threads täze sosial torunda 5 mln ulanyjy hasaba alyndy. Bu barada Meta korporasiýasynyň bilelikdäki esaslandyryjysy Mark Sukerberg özüniň Threads-däki sahypasynda habar berdi.
ABŞ-nyň aeronawtika we älem giňişligini barlag etmek boýunça Lindon Jonson adyndaky Milli müdirliginiň Älem merkezinde adamlaryň Marsdaky ýaly şertlerde ýerleşmegini simulirlemek boýunça synaga badalga berdiler.
Belorus Ýewraziýa ykdysady komissiýasyna «Ýewraziýa elektrobusy» döwletara maksatnamasyny işläp düzmek boýunça teklibi hödürledi. Bu barada Ýewraziýa ykdysady komissiýasynyň senagat syýasaty Bölüminiň müdiri Nikolaý Rogožnik komissiýanyň Kollegiýasynyň mejlisinde habar berdi.
Aşgabat şäherinde 2030-njy ýyla çenli 3 sany ýerasty drenaž-aragatnaşyk ulgamy gurlar. Bu barada şäher häkimliginiň baş inženeri Arslan Amangeldiýewiň sözlerine salgylanyp, «Нейтральный Туркменистан» gazeti habar berýär.
ÝHHG tarapyndan gurnalan 26-njy Merkezi Aziýa metbugat konferensiýasy 6-7-nji iýulda Bişkekde geçirilýär. Mediýa forumynyň mowzugy – «Çatryklarda. Demokratiýa üçin metbugat azatlygyny goramak». Ara alyp maslahatlaşmalara metbugat wekilleri we Türkmenistanyň bilermenler jemgyýeti hem gatnaşýar.
5-nji iýulda Türkmenistanyň Döwlet haryt-çig mal biržasynda umumy bahasy 24,8 million dollara barabar bolan 13 söwda geleşigi baglaşyldy. Şol günki söwdalarda suwuklandyrylan gaz, ECO-93 görnüşli awtobenzin, dizel ýangyjy, jins jalbary uly islegden peýdalandy.
Minskidäki sport Köşgüniň öňünde GDA ýurtlarynyň II Oýunlarynyň başlanmagyna 30 gün galmagynyň sanalmagyna badalga berýän simwoliki düwmäni basdylar. Bu barada BelTA habar berýär.
Nebit eksport edýän ýurtlaryň guramasy (OPEK+) beýleki döwletleri goşulmaga çagyrýar. Gurama özüne agza döwletleriň sanyny köpeltmek arkaly nebit önümleriniň bahalary boýunça çaklamalary aýdyňlaşdyrmagy we netijede dünýä bazarynda durnuklylygy gazanmagy maksat edinýär.
Hindistan ekologiýa taýdan arassa energiýa taslamalaryna maýa goýjak Ýewropa Bileleşigine we Singapura ýylda 11 million metrotonna ýaşyl wodorod ibermek mümkinçiligini ara alyp maslahatlaşdy.
