Dünýäde iň akylly we iň ösen hasaplanýan “Ameca” roboty, sosial ulgamlarda ýaýradylan wideoda ýene bir gezek baş keşbi janlandyrdy. Häzirki wagtda “YouTube”-da 45 000 tomaşaçynyň gören bu klibinde android ýaly emeli intellekt (AI) kinorežissior bilen söhbetdeşlik geçirýär we köpleriň geň galdyryjy hasaplaýan soraglaryny berýär.
Türkmenistanda 2-nji oktýabrdan 6-njy oktýabr aralygynda Aziýanyň Ösüş Banky (AÖB) we Bütindünýä Söwda Guramasy (BSG) tarapyndan gurnalan söwda syýasaty meseleleri boýunça tehniki iş sessiýalary geçirildi. Sessiýalaryň maksady, Türkmenistanyň BSG-ä goşulmagy baradaky gepleşikler üçin esasy resminama bolan Daşary söwda tertibininiň Ähtnamasyny (MFTR) taýýarlamak.
Aşgabada saparynyň barşynda Halkara sergiler býurosynyň Baş sekretary Dimitri Kerkentzes Türkmenistanyň daşary işler ministri Raşid Meredow we söwda we daşary ykdysady aragatnaşyklar ministri Begenç Goçmollaýew bilen duşuşdy.
Yragyň premýer-ministri Muhammet Şia as-Sudani «Türkmengaz» döwlet konserniniň başlygy Maksat Babaýew we onuň wekiliýeti bilen duşuşdy diýip, şenbe güni Yragyň hökümet başlygynyň edarasynyň beren beýanatyna salgylanyp Mawazine News habar berýär.
"Näzli" tans topary Hindistanyň paýtagty Nýu-Delide 18-20-nji oktýabrda geçiriljek halkara tans we saz festiwalynyň gatnaşýar.
Täjigistanyň paýtagty Duşanbe şäherinde 24-nji oktýabrdan 29-njy oktýabr aralygynda gurjak teatrlarynyň VII halkara festiwaly «Çodari Haýol» geçiriler. Bu çäre üçin «Baky rowaýatlar» spektaklyny ýörite taýýarlan Türkmen döwlet medeniýet institutynyň gurjak bölüminiň talyplary ilkinji gezek döredijilik görkezişine gatnaşarlar.
Türkmen döwlet binagärlik we gurluşyk institutynyň 18 ýaşly birinji synp talyby Wepaly Halynyýazow 1-nji oktýabrdan 6-njy oktýabr aralygynda Aşgabatda geçirilen wagt gözegçiligi klassiki düzgüni bilen Türkmenistanyň Küşt federasiýasynyň kubogynyň eýesi boldy.
Türkmenistanly mekdep okuwçylary Moskwanyň döwlet halkara gatnaşyklary institutynda geçirilýän "MGIMO-nyň halkara mekdep olimpiadasy" atly daşary ýurtly okuwçylaryň arasynda geçirilýän ýaryşda gatnaşyp, bu abraýly ýokary okuw mekdebinde tölegsiz esasda bilim almaga mümkinçilik alyp bilerler. 10-11 synp mekdep okuwçylary bäsleşige gatnaşmak üçin şu salgy arkaly özlerini hasaba aldyryp bilerler.
TDH agentliginiň berýän habaryna görä, Türkmenistanyň Prezidenti Serdar Berdimuhamedow Russiýa Federasiýasynyň Prezidenti Wladimir Putin bilen telefon arkaly söhbetdeşlik geçirdi.
2027-nji ýyl Garaşsyz Döwletler Arkalaşygynda Hukuk biliminiň ýyly bolar. Belarus Respublikasynyň Ýustitsiýa ministrliginiň degişli başlangyjy GDA-nyň Ýerine ýetiriji komitetindäki GDA gatnaşyjy döwletleriň hemişelik ygtyýarly wekilleriniň Geňeşiniň agzalary tarapyndan bir agyzdan goldanyldy. Geňeşiň mejlisi Minsk şäherinde geçirildi.
Daşoguz şäherinde oba zenanlary üçin goşmaça girdeji çeşmeleriniň mümkinçilikleri boýunça okuw maslahaty geçirildi. Bu çärä “Köp bähbitleri almak üçin Aral deňziniň basseýninde ýer serişdelerini we ýokary tebigy gymmatlygy bolan ekoulgamlary gorap saklamak we durnukly dolandyrmak” atly taslamanyň çäklerinde guraldy. Bu başlangyç Türkmenistanyň Daşky gurşawy garamak ministrligi hem-de BMG-niň Ösüş maksatnamasy tarapyndan bilelikde durmuşa geçirilýär.
“Aşgabat şäher telefon ulgamy” ýapyk görnüşli paýdarlar jemgyýeti internet hyzmatlaryna birikmegiň tizliginiň ýokarlandyrylandygyny we bu hyzmatlara hereket edýän bahalaryň peseldilendigini ýene-de bir gezek ýatladýar.
Halk Maslahatynyň mejlisi tamamlanandan soňra, Türkmenistanyň köp edaralarynda halk häkimýetiniň ýokary wekilçilik edarasynyň ikinji mejlisiniň netijeleri boýunça forumlar, ýygnaklar we tegelek stollar geçirilýär.
Yragyň we Türkmenistanyň resmi wekilleri gaz import etmek boýunça şertnamany baglaşmak boýunça meseleleri Bagdat şäherinde maslahatlaşdylar. Bu şertnamany baglaşmak hakynda ylalaşyga awgust aýynda Aşgabatda geçirilen gepleşikleriň barşynda gelnipdi. Bu barada Yragyň resmi habarlar agentligi mälim edýär.
Türkmenistanyň Brýusseldäki ilçisi Sapar Pälwanow Belgiýanyň Wekiller palatasynyň deputaty, “Belgiýa-Türkmenistan” parlamentara dostluk toparynyň ýolbaşçysy Tim Wandenput bilen duşuşdy.
