Russiýanyň Prezidenti Wladimir Putin Gyzyl meýdanda Ýeňiş mynasybetli dabaraly haby ýörişiň öňüsyrasynda 9-njy maýda Kremliň Tugraly zalynda myhman hökmünde çagyrylan daşary ýurtly döwlet Baştutanlary bilen duşuşdy.
Ýeňiş gününiň öňüsyrasynda Hazarýaka ýurtlarynyň, şol sanda Türkmenistanyň, Gazagystanyň we Eýranyň diplomatlary Doganlyk bagynda «Baky şöhrat ody» ýadygärligine gül desselerini goýdular. Olar Beýik Watançylyk urşunyň gahrymanlaryny bir minutlyk dymyşlyk bilen hatyraladylar diýip, Astrahan oblastynyň dolandyryş edaralarynyň portalynda habar berilýär.
Beýik Watançylyk urşunyň gahrymanlarynyň hormatyna Türkmenistanda gurnalýan çäreleriň çäklerinde «Türkmenaragatnaşyk» agentliginiň edara-kärhanalarynda zähmet çeken uruş weteranlaryna, paýhasly ýaşululara, mukaddes ojaga wepaly enelere Türkmenistanyň Prezidentiniň adyndan pul sylaglary, gymmat bahaly sowgatlar we ajaýyp ýaz gülleri gowşuryldy.
A.S.Puşkin adyndaky türkmen-rus mekdebiniň topary Beýik Watançylyk urşunda gazanylan Ýeňşiň hakyky nyşany hasaplanýan aýdymy ýerine ýetirdi, bu Ýeňiş gününe özboluşly sowgat boldy.
Türkmenistanyň Prezidenti Serdar Berdimuhamedow Beýik Watançylyk urşunda gazanylan Ýeňşiň 79 ýyllygy mynasybetli geçiriljek dabaralara gatnaşmak üçin Moskwa geldi. Bu barada Türkmenistanyň Russiýadaky ilçihanasy habar berýär.
Şu gün, 8-nji maýda Türkmenistanyň Prezidenti Serdar Berdimuhamedow günüň ikinji ýarymynda Russiýa Federasiýasyna iş sapary bilen ugrady. Türkmenistanyň döwlet Baştutany Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 79 ýyllygy mynasybetli guraljak dabaralara hormatly myhman hökmünde gatnaşar.
Çarşenbe güni, 8-nji maýda Türkmenistanyň Prezidenti Serdar Berdimuhamedow Bäherden sement zawodynyň ikinji tapgyrynyň we Ýaşlyk suw arassalaýjy desgasynyň açylyş dabarasyna gatnaşdy diýip, TDH habar berýär.
Şenbe güni, 4-nji maýda, Türkmenistanyň Döwlet haryt-çig mal biržasynyň söwdalarynda ýeňil senagat önümleri uly islegden peýdalandy.
Türkmenistanyň Merkezi bankynyň başlygynyň orunbasary M.Orazdurdyýewiň ýolbaşçylygyndaky türkmen wekiliýeti Aziýa Ösüş Bankynyň her ýylky 57-nji duşuşygyna gatnaşýar.
"Halkara nahar festiwaly" 4-nji maýda Aşgabat Halkara Mekdebinde geçirildi. Azerbaýjanyň Türkmenistandaky Ilçihanasy festiwalda öz ýurduna wekilçilik etdi.
2024-nji ýylyň 2-3-nji maýynda Türkiýe Respublikasynyň Izmir şäherinde «Turan» atly halkara kinofestiwaly geçirildi, döredijilik çäresini guraýjylar hökmünde Türki medeniýetiň halkara guramasy (TÜRKSOÝ) we Türkiýäniň Medeniýet we Syýahatçylyk ministrligi çykyş etdiler.
Hytaý Halk Respublikasynyň Türkmenistandaky ilçihanasy sanly ulgam arkaly “Hytaý-Türkmenistan ýaşlar köprüsi” atly maslahaty geçirdi. Çärä halkara alşyk we hyzmatdaşlyk boýunça Şençžen gaznasy hem-de BOSFOR jemgyýetçilik guramasy tarapyndan bilelikde guraldy hem-de iki ýurduň ýaşlarynyň arasyndaky dostlukly alşyklary höweslendirmäge, gatnaşyklary pugtalandyrmaga we hemmetaraplaýyn strategik hyzmatdaşlygyň ösüş depginlerini saklamaga gönükdirildi.
1-nji maýda, Çarşenbe güni, Türkmenistanyň Döwlet haryt–çig mal biržasynyň söwdalarynda nebithimiýa önümleri we gurluşyk materiallary ýerlenildi.
Birleşen Arap Emirlikleriniň Milli meteorologiýa merkeziniň çaklamalaryna görä, şu hepde ýurduň käbir sebitlerinde tupanly howanyň bolmagy mümkin.
Türkmenistanyň telekeçileri Ykdysady Hyzmatdaşlyk Guramasynyň 7-10-njy maýda Tähranda geçiriljek ilkinji tehnologiýalar we innowasiýalar sergisine gatnaşyp bilerler. Bu barada Türkmenistanyň Senagatçylar we telekeçiler birleşmesiniň saýtynda habar berilýär.
