Türkmenistanyň Ukrainadaky ilçisi Toýly Ataýewiň, beýleki diplomatlaryň, Kiýewiň Sýatoşinsk etrabynyň ýolbaşçylarynyň, bu ýurtda ýaşaýan we bilim alýan türkmenleriň gatnaşmagynda Magtymguly Pyragynyň 300 ýyllygy mynasybetli medeni-şahyrana çäre geçirildi.
Owganystanyň senagat we söwda ministriniň wezipesini ýerine ýetiriji Nuruddin Aziziniň ýolbaşçylygyndaky wekiliýetiň Türkmenistana saparynyň netijelerine bagyşlanyp, 5-nji martda Daşary işler ministrliginde ikitaraplaýyn mejlis geçirildi.
Saud Arabystany Patyşalygynyň maýa goýum ministriniň Maýadarlar bilen aragatnaşyk saklamak boýunça orunbasary Badr Al-Badr iş sapary bilen Aşgabat şäherine geldi. Sişenbe güni ony Türkmenistanyň Daşary işler ministrliginde edaranyň ýolbaşçysy Raşid Meredow kabul etdi.
Sişenbe güni Merkezi Aziýa döwletleriniň Birleşen Milletler Guramasynyň Ženewadaky edarasynyň ýanyndaky hemişelik wekilleri Guramanyň Baş sekretarynyň ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Kaha Imnadze bilen duşuşdylar.
Prezident Serdar Berdimuhamedow 5-nji martda Ýewropada Howpsuzlyk we Hyzmatdaşlyk Guramasynyň Baş sekretary Helga Şmidi kabul etdi.
Türkmenistanyň daşary işler ministri Raşid Meredowyň we Ýewropada Howpsuzlyk we Hyzmatdaşlyk Guramasynyň Baş sekretary Helga Şmidiň arasynda 5-nji martda geçirilen duşuşykda syýasy we ykdysady ugurlarda, ekologiýa howpsuzlygy hem-de ynsanperwer hyzmatdaşlyk ulgamlarynda özara gatnaşyklaryň häzirki ýagdaýy we geljegi maslahatlaşyldy.
Türk Döwletleriň Guramasynyň Ýaşulular geňeşiniň 15-nji mejlisi 11-13-nji mart aralygynda Aşgabatda geçiriler. Gatnaşyjylar Geňeşiň we TDG-niň işi bilen baglanyşykly häzirki meselelere serederler, mundan beýläkki bilelikdäki işleri we guramanyň agza ýurtlarynyň hereketlerini utgaşdyrmak üçin esasy ugurlary ara alyp maslahatlaşarlar.
2023-nji ýylda Azerbaýjan Türkmenistandan 1,51 milliard kub metr tebigy gaz import etdi. Bu 2022-nji ýyldakydan (857 million kub metr) 77% ýokarydyr.
3-nji martda Owganystanyň senagat we söwda ministriniň wezipesini ýerine ýetiriji Alhaj Nuruddin Aziziniň ýolbaşçylygyndaky wekiliýet Türkmenbaşy Halkara deňiz portuna baryp gördi. Bu barada “Türkmendeňizderýaýollary” agentligi habar berýär.
Söwda-senagat edarasynda geçirilen söwdada geleşikleriň jemi 71-si baglaşylyp, 107 milliondan gowrak dollarlyk we 33 milliondan gowrak manatlyk harytlar ýerlenildi.
Owganystanyň çäginde Türkmenistan-Owganystan-Päkistan-Hindistan transmilli gaz geçirijisiniň bir böleginiň gurluşygyna taýýarlyk görülýär.
Sessiýa öz işini 10-njy marta çenli dowam eder.
Aşgabatdaky Amerikan merkezinde we Daşoguz, Mary we Türkmenabat şäherleriniň Amerikan burçlarynda “Zenan telekeçiler akademiýasy” (AWE) maksatnamasy başlady. Türkmenistanyň Ykdysatçylar Birleşmesi bilen hyzmatdaşlykda durmuşa geçirilýän AWE telekeçi aýal-gyzlara üstünlikli iş alyp barmak üçin zerur bilimleri, aragatnaşyklary we elýeterliligi üpjün etmäge gönükdirlen ABŞ-nyň Döwlet departamentiniň maksatnamasydyr.
4-5-nji mart aralygynda Aşgabatda geçirilen türkmen-owgan işewürler forumynda türkmen we owgan hususy kompaniýalarynyň arasynda bir Ähtnama we 16 sany ylalaşyga gol çekildi. Eksport şertnamalarynyň umumy pul mukdary 7 million 721 müň ABŞ dollaryndan gowrak boldy.
4-nji martda «SpaceX» kompaniýasyna degişli bolan «Falcon9» raketasy arkaly innowasion «MethaneSAT» emeli hemrasy üstünlikli uçuryldy.
