«Ak şäherim Aşgabat» sergisine 160-dan gowrak türkmen we daşary ýurtly gatnaşyjylar gatnaşar
24-25-nji maý aralygynda geçiriljek «Ak şäherim Aşgabat» atly XXIII köpugurly halkara sergisine 160-dan gowrak türkmen we daşary ýurtly gatnaşyjy gatnaşar. Olaryň arasynda döwlet edaralary we guramalary, hususy kompaniýalar we kärhanalar, işewür düzümler bar.
Serginiň çäklerinde gurluşyk, binagärlik we dizaýn, baş şäher meýilnamalaşdyrylyşy, tehnologiýalar, ýaşyl ösüş we türkmen paýtagtynyň ýaşaýyş gurşawyny kesgitleýän beýleki ugurlar boýunça gazanylan üstünlikler görkeziler.
Her ýyl geçirilýän gözden geçiriliş Aşgabat şäheriniň gününe gabat gelýär. Şeýle hem bu senede paýtagtda täze desgalaryň açylyş dabarasy meýilleşdirilýär. Kuwwaty bir gije-gündizde 150 müň kub metr bolan agyz suwuny arassalaýjy desga we Çoganly» ýaşaýyş toplumynda iki gatly, 136 sany ýaşaýyş jaýy ulanmaga berler, bu barada 17-nji maýda, anna güni geçirilen türkmen Hökümetiniň mejlisinde habar berildi diýlip, milli habarlar agentliginiň habarynda bellenilýär.
ORIENT news
