1-nji oktýabrda Türkmenistanyň DIM-nde Türkmenistanyň Daşary işler ministriniň orunbasary Ahmet Gurbanow bilen Ýaponiýanyň DIM-niň Merkezi Aziýa we Kawkaz sebiti boýunça ýörite wekili Isikawa Masakiniň arasynda duşuşyk geçirildi.
Educational Testing Service (ETC) Guramasy SAT, ACT, GRE, GMAT, TOEFL we beýleki testleriñ esasynda, täze tehnologiýalaryñ, esasan hem, emeli añyn ulamylmagy bilen test soraglaryny döretmek usulyýetini işläp düzmekde bilim ulgamy boýunça Türkmenistan bilen hyzmatdaşlyga gyzyklanma bildirdi.
Türkmenistan ABŞ-nyň Kaliforniýa ştatynyň San-Fransisko şäherinde ilkinji gezek geçirilen türk festiwalyna gatnaşdy. “Ata Watan” portalynyň habar berişi ýaly, çäre Demirgazyk Kaliforniýanyň Türk amerikan assosiasiýasy (TACC) tarapyndan guraldy.
Aşgabatda 23-25-nji oktýabr aralygynda “Türkmenistanyň nebiti we gazy-2024” (OGT-2024) halkara maslahaty we sergisi geçiriler. Çäre energetika pudagynyň durnukly ösüşine we Türkmenistanyň nebit-gaz pudagyna göni daşary ýurtly maýa goýumlarynyň çekilmegine gönükdirilen sebit dialogynyň pugtalandyrylmagy üçin meýdança bolup, ol dünýä energetikasynda soňky tendensiýalar barada maglumatlary hödürlär.
Ýaponiýanyň Parlamentiniň aşaky palatasy häkimiýet edýän Liberal-demokratik partiýasynyň başlygy Sigeru Isibany ýurduň täze premýer-ministri wezipesine saýlady diýip, “NHK” teleýaýlymy habar berýär.
2024-nji ýylyň 7-8-nji noýabr aralygynda Abu-Dabide türkmen we daşary ýurtly işewürler üçin möhüm halkara çäresi, ýagny “Türkmenistanyň söwda, işewürlik we maýa goýum mümkinçilikleri baradaky Ählumumy maslahat” geçiriler. Maslahat Grand Hyatt Abu Dhabi Emirates Pearl myhmanhanasynda hökümet edaralarynyň we işewürlik toparlarynyň wekillerini ýygnar.
Kazan şäherinde 22-24-nji oktýabr aralygynda geçiriljek BRIKS döwlet baştutanlarynyň XVI sammitiniň medeni maksatnamasynyň çäginde türkmenistanly suratkeş, Türkmenistanyň Suratkeşler birleşiginiň agzasy Berdiguly Amasahatow ilkinji gezek öz surat eserleriniň sergisi bilen tanyşdyrar. Bu barada suratkeş “TASS” habarlar agentliginiň korrespondenti bilen söhbetdeşliginde aýtdy.
Ygtyýarlandyrylan operatorlar institutynyň ornaşdyrylmagy Türkmenistanyň Döwlet gümrük gullugynyň we Ýaponýanyň Maliýe ministrliginiň Gümrük töleg we tarif müdiriýetiniň hünärmenleriniň arasynda geçirilen onlaýn-duşuşygynyň esasy mowzugy boldy.
30-njy sentýabrda M.I.Rudomino adyndaky Bütinrussiýa Daşary ýurt edebiýaty döwlet kitaphanasynyň merkezi eýwanynda türkmen edebi dilini esaslandyryjy beýik şahyr – Magtymguly Pyragynyň ýädigärliginiň dabaraly ýagdaýda açylyşy boldy.
30-njy sentýabrdan 1-nji oktýabr aralygynda Türkmenistanyň wekiliýeti Ženewa şäherinde geçirilen BMG-niň Ýewropa ykdysady komissiýasy tarapyndan guralan “Geljegiň şäherleri” atly şäher häkimleriniň sammitine gatnaşdy. Türkmen tarapyna sammitda çykyş eden Awaza etrabynyň häkimi Döwlet Jumaýew wekilçilik etdi.
Özbegistanyň Aşgabatdaky diplomatik wekilhanasy Respublikanyň Oliý Mejlisiniň kanunçylyk palatasynda geçiriljek deputatlaryň saýlawlary barada brifing gurnady.
Aşgabatda Hidistan Respublikasynyñ Ilcihanasy 2-nji oktýabrda Mahatma Gandiniñ doglan gününiñ 155 ýyllygy mynasybetli çäre geçirýär.
1-nji oktýabrda Hytaýda Hytaý Halk Respublikasynyň döredilen gününi belleýärler. Bu ýyl respublikanyň döredilen gününiň 75 ýyllygy bellenilýär.
2024-nji ýylyň 27-nji sentýabrynda Türkmenistanyň Garaşsyzlygynyň 33 ýyllygy mynasybetli resmi kabul edişlik geçirildi.
Türkmenistanyň Bilim ministrliginiň wekiliýetiniň Amerikanyň Birleşen Ştatlaryna resmi sapary 30-njy sentýabrda, duşenbe güni başlandy. Wekiliýetiň düzüminde Halkara ynsanperwerlik ylymlary we ösüş uniwersitetiniň, Türkmenistanyň Daşary işler ministrliginiň Halkara gatnaşyklar institutynyň prorektorlary, şeýle hem Türkmen döwlet binagärlik we gurluşyk institutynyň wekillerini öz içine alýar. Wekiliýete Türkmenistanyň Bilim ministriniň orunbasary Azat Ataýew ýolbaşçylyk etýär.
