Sigeru Isiba Ýaponiýanyň täze premýer-ministrligine saýlandy
Ýaponiýanyň Parlamentiniň aşaky palatasy häkimiýet edýän Liberal-demokratik partiýasynyň başlygy Sigeru Isibany ýurduň täze premýer-ministri wezipesine saýlady diýip, “NHK” teleýaýlymy habar berýär.
Ses berilmeginiň netijesinde 67 ýaşly Isiba 465 mümkin bolan seslerden 291 sesi gazandy.
Oppozisiýanyň Konstitusion-demokratik partiýasynyň lideri Ýosihiko Noda 100 ses gazanmagy başardy.
Hödürlenilen partiýa dalaşgärlerinden köp ses berilmegi bilen hökümet başlygy saýlanylýar. Düzgün boýunça, olar partiýa liderleridir. Şeýlelik bilen, parlamentde köp ýer orunlaryna eýe bolan partiýanyň başlygy premýer-ministr bolýar.
4-nji oktýabrda Sigeru Isiba we esasy ministrler parlamentde maksatnama sözi bilen çykyş ederler. 27-nji oktýabrda möhletinden öň saýlawlary geçirmek üçin 9-njy oktýabrda parlamentiň aşaky palatasy dargadylar. Bu meýil barada Isiba 30-njy sentýabrda LDP-nyň täze ýolbaşçylary bilen tanyşdyran pursadynda habar berdi.
ORIENT news
