Şu gün Türkmenistanyň Prezidenti Serdar Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasary A.Ýazmyradowyň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Iş maslahatynda ýurdumyzyň welaýatlarynda alnyp barylýan möwsümleýin oba hojalyk işleri bilen baglanyşykly meselelere garaldy.
«Awatar 2: Suwuň ýoly» filminiň kassa ýygymlary $2 mlrd-dan geçdi, bu bolsa režisýýor Jeýms Kemerony absolýut rekordçy etdi, birbada 3 filmi $2 mlrd-dan gowrak gazanan we taryhda iň köp girdeji getiren ýeke-täk kino düşürýänçi etdi - diýip, Kino News ýazýar.
Türkmenistandan ýetginjek tennisçi gyz - Sülgün Işangulyýewa Dubaýda tamamlanan Dubai Bowl 2023 halkara ýaryşynda ikinji orny eýeledi. Kümüş baýragy almak ugrunda ol Fransiýadan, Belgiýadan, Bosniýadan we Gersegowinadan gelen bäsdeşlerinden üstün çykmagy başardy.
Dubaýda Atlantis The Royal ady bilen planetada iň gymmat myhmanhana açyldy, onuň gurluşygy $1,5 mlrd diýlip bahalandyrylýar. Onuň açylyşynda aýdymçy Beýons çykyş etdi we çykyşy üçin $24 mln aldy - diýip, Rambler.news habar berýär.
Tatarystanyň prezidenti Rustam Minnihanow karara gol çekdi, oňa laýyklykda her ýylky «Russiýa-Yslam dünýäsi: KazanForum» Halkara ykdysady forumyny taýýarlamak we geçirmek baradaky respublikan guramaçylyk komitetini döretdi. Resminama respublikanyň hukuk maglumaty portalynda çap edildi.
Deloitte auditorlyk firmasy dünýäniň iň baý futbol klublarynyň täzelenen sanawyny çap etdi, onda ikinji ýyl yzly-yzyna «Mançester Siti» birinji orunda barýar. 2022-nji ýylda bu klubyň pul girdejileri 731 mln. ýewro deň boldy.
Rur uniwersitetinden ylmy-barlag topary 2011-nji ýyldan 2022-nji ýyllar aralygynda «Ýer şary-gijesine» ylmy taslamasynyň çäklerinde ýyldyzlara adaty göz bilen 50 000 syn etmeleri seljerdiler, olaryň netijesinde adamlaryň bütin dünýä boýunça gijeki asmanda barha az ýyldyz görýändikleri ýüze çykaryldy. Bu asmanyň ýagtylygynyň her ýylda 7-10% artýandygy bilen baglanyşyklydyr – diýip, Science žurnalynda neşir edilen ylmy-barlagyň netijeleri barada aýdylýar.
Hançžoudaky Tomusky Aziýa oýunlarynda agyr atletika boýunça ýaryşlaryň geçirilýän senesi üýtgedildi. Indi agyr atletikaçylar 2023-nji ýylyň 30-njy sentýabryndan 7-nji oktýabry aralygynda ýaryşarlar.
Türkmenistandan ýaş matematik, Aşgabadyň 87-nji ýöritleşdirilen mekdebiniň okuwçysy Rejepmämmet Babyşow World Mathematics Team Championship internet-olimpiadasynda altyn medal gazandy – diýip, resmi türkmen metbugaty ýazýar.
Şu hepdäniň birinji ýarymynda Türkmenistanda aýazly howanyň saklanmagyna garamazdan, ýanwaryň ahyrynda howanyň maýlamagyna garaşylýar – diýip, “Meteožurnal” habar berýär.
Eksportlyk harytlaryň birinji tapgyry ýurduň demirgazygyndaky Farýab welaýatynyň gury ýer porty Akinanyň üsti bilen Owganystandan Türkiýä ugrady. Bu barada Owganystanyň ulag we raýat awiasiýasy ministriniň beýannamasyna salgylanyp, Ariana News habar berýär.
Alymlaryň halkara topary Antarktidada geçirilen gözlegleriň netijesinde 5 sany meteoriti ýüze çykardylar, olaryň biriniň agramy 7,6 kg bolup, ol soňky ýüz ýyllykda tapylan uly meteoritleriň biridir- diýip, phys.org habar berýär.
Anna güni, 20-nji ýanwarda Türkmenistanyň Döwlet haryt-çig mal biržasyndaky söwdalaşyklarda umumy bahasy $6,7 mln. amerikan dollaryna deň bolan 2 geleşik baglaşyldy – diýip, ORIIENT-iň habarçysy habar berýär.
Amsterdamda merkezi demirýol menziliniň golaýynda naýbaşy inženerçilik çözgütlerini özünde jemleýän 7000 welosiped üçin suwasty duralga peýda boldy. 26-njy ýanwarda şäheriň kanallarynyň we gezelenç üçin niýetlenen gaýyklarynyň aşagynda ýerleşýän bu üýtgeşik täsin desganyň resmi açylyşy bolar.
Ýanwar aýynyň üçünji hepdesi halkara we içerki syýasy ähmiýetli birnäçe wakalar bilen bellenildi.
