Dünýäniň iň baý futbol klublarynyň atlary mälim edildi
Deloitte auditorlyk firmasy dünýäniň iň baý futbol klublarynyň täzelenen sanawyny çap etdi, onda ikinji ýyl yzly-yzyna «Mançester Siti» birinji orunda barýar. 2022-nji ýylda bu klubyň pul girdejileri 731 mln. ýewro deň boldy.
Mançester klubynyň Pepa Gwardiolynyň ýolbaşçylygynda iňlis futbolynda öňde baryjy bolmagyny dowam edýär. Komanda Premýer-liganyň häzirki çempiony bolup, çempionlaryň Ligasynyň soňky oýunlarynyň dörtlügine girdiler, bu bolsa girdejini artdyrmaga ep-esli derejede kömek etdi.
Ikinji ýeri 714 mln ýewro bilen La Liganyň ägirdi «Real Madrid» eýeleýär. Ol Premýer-liganyň «Liwerpul» we «Mançester Ýunaýted» klublaryndan öňe geçdi. Fransiýanyň «Pari Sen-Žermen» komandasy iň baý klublaryň bäşligini ýapýar.
Deloitte Football Money League – bu 2006-njy ýyldan bäri düzülýän maliýe futbol reýtingidir. Her ýyl kompaniýa 30 klubyň sanawyny girdejileri boýunça çap edýär we iň öňdäki 20-sini jikme-jik gözden geçirýär. 2022-nji ýylda dünýäniň iň köp - 30 sany girdejili klublaryň hataryna iňlis Premýer ligasynyň 20 wekilinden birbada 16-sy girdi.
ORIENT habarlar
