Prezident Serdar Berdimuhamedow ýurduň milli parlamentiniň işini guramagy, onuň ygtyýarlyklaryny, işiniň tertibini we gurluşyny kesgitleýän «Türkmenistanyň Mejlisi hakynda» kanuna gol çekdi.
Türkmenistanyň Prezidenti Serdar Berdimuhamedowyň we Kataryň emiri şeýh Tamim bin Hamad Al Tani bilen gepleşikleriniň netijesi boýunça ikitaraplaýyn resminamalaryň toplumyna gol çekildi – diýip, TDH habar berýär.
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň politehniki orta hünär mekdebinde Nowruz halkara baýramy mynasybetli dabaraly çäre geçirildi.
31-nji martda USAID guramasynyň we ÝB-niň Türkmenistandaky wekiliýeti Türkmenistanyň ÝUNESKO-nyň işleri baradaky Milli komissiýasynyň goldamagynda Handmade Exports startap—inkubator maksatnamasynyň çäklerinde Lebap Handmade Exports taslamasyna badalga bererler.
Migrasiýa baradaky halkara guramasynyň Türkmenistandaky wekilhanasy «Merkezi Aziýa döwletleriniň hökümetlerine migrasiýa baradaky Bütindünýä şertnamasyny ýerine ýetirmekde ýardam etmek» atly sebitleýin taslamasyna badalga berdi.
Türkmenistanyň parlamenti Ahal welaýatynyň täze merkeziniň dolandyryş-çäk gurluşyna degişli we Arkadag şäherindäki durmuşy edaralara meşhur şahslaryň adyny dakmak barada karar kabul etdi.
Aşgabadyň demirgazygyndaky Çoganly ýaşaýyş toplumynda döwrebap medeni-dynç alyş seýilgähini gurmak meýilleşdirilýär. Desganyň çyzgysyny çyzmak we gurmak üçin tender bäsleşigi baradaky bildirişi 20-nji martda resmi türkmen metbugaty çap etdi.
Türkmenistanyň Prezidenti Serdar Berdimuhamedow Dohada Kataryň emiri şeýh Tamim bin Hamad Al Tani bilen bu ýurda bolan döwlet saparynyň çäklerinde duşuşdy – diýip, TDH habar berýär.
Şenbe güni, 18-mji martda Türkmenistanyň Döwlet haryt-çig mal biržasyndaky söwdalaşyklarda jemi bahasy $1,7 mln amerikan dollaryna deň bolan 6 geleşik baglaşyldy – diýip, ORIENT-iň habarçysy habar berýär.
Tebigy gazyň senagat ähmiýetli akymyny «Türkmengaz» konserniniň «Türkmengazburawlaýyş» müdirliginiň burawlaýjylary Türkmenistanyň Mary welaýatynda «Şerepli» gaz ýatagynda aldylar – diýip, «Nebit-Gaz» gazeti habar berýär.
Türkmenistanyň dzýudo boýunça ýygyndysy 24-26-njy martda Tbiliside (Gruziýa) geçiriljek «Uly tuwalganyň» ýaryşyna gatnaşar.
Yslamabadyň strategiki barlaglar institutynyň (CPSC/ISSI) hytaý-pakistan ylmy-barlag merkezi Merkezi Aziýa ýurtlarynda we Azerbaýjanda analitiki merkezleriň toruny döretmekligi teklip etdi.
Türkiýe gaz haby bolmagyň ýolunda çalt depginler bilen hereket edýär – diýip, Türkiýäniň prezidenti Rejep Taýyp Ärdogan Balykesir welaýatynyň Bandyrma etrabynda bor karbidini öndürmek boýunça zawodyň açylyşynda beýan etdi – diýip, Anadolu agentligi habar berýär.
Özbegistanyň ýaşlar ýygyndysy final ýaryşda Yragyň toparyny ýeňip, taryhda ilkinji gezek U-20 Aziýanyň Kubogynyň eýesi boldy. Daşkentdäki «Bunedkor» stadionynda geçirilen oýun 1:0 hasaby bilen tamamlandy.
Türkmenistanyň Awstriýadaky ilçihanasy we Owganystanyň, Azerbaýjanyň, Hindistanyň, Gyrgyzystanyň, Gazagystanyň, Täjigistanyň, Özbegistanyň, Eýranyň, Yragyň diplomatik wekilhanalary we «Society» žurnalynyň redaksiýasy Nowruz baýramy mynasybetli dabaraly çäre geçirdiler. Bu barada Türkmenistanyň Awstriýadaky ilçihanasynyň metbugat-habarynda aýdylýar.
