Merkezi Aziýada serhetleri dolandyrmak Maksatnamasy – 10-njy Tapgyr (BOMKA 10) Merkezi Aziýanyň döwlete degişli bolmadyk guramalarynyň arasyndaky taslamalaryň birinji bäsleşiginiň çäklerinde serhetýaka jemgyýetleri goldamaga gönükdirilen dokuz taslamany saýlap aldy. Bu barada maksatnamanyň saýtynda habar berilýär.
Russiýanyň baştutany Wladimir Putin Serdar Berdimuhamedowy Beýik Watançylyk urşunda gazanylan Ýeňşiň 78 ýyllygyna bagyşlanyp Moskwada geçiriljek dabaraly çärelere gatnaşmaga çagyrdy.
Türkmenistanyň Prezidenti Serdar Berdimuhamedow Beýik Britaniýanyň we Demirgazyk Irlandiýanyň täze patyşasy Karl III we onuň ýanýoldaşy şa zenany Kamillanyň täç geçdirilmegine gatnaşdy – diýip, TDH habar berýär.
Ý.Kakaýew adyndaky Halkara nebit we gaz uniwersitetinde beýik akyldar we şahyr Magtymguly Pyragynyň doglan gününiň 300 ýyllygyna bagyşlanyp çäre geçirildi.
Türkmen ştangaçysy Medine Ataýewa Çindžuda (Koreýa Respublikasy) dowam edýän Aziýanyň çempionaty-2023-iň üçünji gününde kümüş medal gazandy.
Türkmen ştangaçysy Bunýad Raşidow Çinju şäherinde (Günorta Koreýa) geçirilýän Aziýa çempionatynda bürünç medala mynasyp boldy.
Ýaponiýanyň “Komatsu” maşyngurluşyk korporasiýasy Merkezi Aziýa sebitinde gurluşyk we magdan enjamlary üçin satuw we hyzmat işlerini güýçlendirmek üçin Gazagystanda öz şahamçasyny döreder. Täze kompaniýa 2023-nji ýylyň awgust aýynda işe başlamaly - diýip, agyr tehnika öndürijisiniň metbugat beýanatynda bellenilýär.
Daşkentde, Gazagystanyň we Özbegistanyň hökümet baştutanlary Alihan Smailowyň we Abdulla Aripowyň ýolbaşçylygynda merkezi döwlet edaralarynyň ýolbaşçylarynyň we iki ýurduň işewür toparlarynyň wekilleriniň gatnaşmagynda hökümetara toparynyň 20-nji mejlisi geçirildi.
Aziýanyň Ösüş Banky 2030-njy ýyla çenli howany maliýeleşdirmek üçin 100 milliard dollar bermegi meýilleşdirýär. Bu hepde, AÖB Aziýa-Ýuwaş ummany sebitinde howany maliýeleşdirmek boýunça innowasion desgany işe girizdi. Ol howanyň üýtgemegi bilen göreşmäge şeýle wajyp milliardlarça dollar maýa goýumyny çaltlaşdyrmak üçin itergi hökmünde hyzmatdaşlardan kepillikleri ulanar. Täze maksatnama, parnik gazlarynyň zyňyndylaryny azaldýan we howanyň durnuklylygyny ýokarlandyrýan taslamalary maliýeleşdirmek üçin 15 milliard dollara çenli serişde toplamaga gönükdirilendir.
16-17-nji maýda Tomsk şäherinde “Waldaý” Halkara diskussiýa klubynyň III Merkezi Aziýa maslahaty geçiriler. Forumyň mowzugy – "Russiýa we Merkezi Aziýa: üýtgeýän dünýä bilen baglanyşyk". Çekişme Russiýa bilen Merkezi Aziýanyň ileri tutulýan ugurlarynyň nirede kesişýändigine we nirede ähliumumy wakalaryň many-maksady bilen çapraz gelýändigine düşünmeklige bagyşlanýar.
Dabaranyň myhmanlary we arhiepiskop Iňlis monarhy Karl III kellesine täç degen badyna «Allam sen Patyşamyzy gora!» diýip, gygyrdylar. Şenbe güni, 6-njy maýda Beýik Britaniýa we Demirgazyk Irlandiýa Patyşalygynyň Patyşasy Karl III resmi taýdan täç geýdi. Patyşalykda top atyş salýutlary ýaňlandy diýip, Mir24 habar berýär.
Anna güni, 5-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy 50,5 mln türkmen manadyna deň bolan 42 geleşik baglaşyldy – diýip, ORIENT-iň habarçysy habar berýär.
Türkiýedäki prezident we parlament saýlawlary bilen baglylykda, Türkiýäniň Aşgabatdaky ilçihanasynda şenbe güni ir sagat 9:00-da saýlaw uçastogy açyldy. Türkmenistanda ýaşaýan türk raýatlary ýurduň diplomatik wekilhanasynda ses berip bilerler.
Gümrük töwekgelçiliklerini dolandyrmak, düzgün bozmalara garşy göreşmek we gümrük işleriniň awtomatlaşdyrylmagy babatyndaky milli seminar Merkezi Aziýada serhetleriň dolandyrylmagyna ýardam etmek Maksatnamasy (BOMKA 10) tarapyndan USAID-iň MA-da söwda Maksatnamasy bilen hyzmatdaşlykda geçirildi.
Belarusyň iri maglumatlar agentligi BelTA Maglumatlar ministrligi bilen bilelikde «Arkalaşygyň Oýunlary» atly täze taslama badalga berýär.
