Wladimir Putin Serdar Berdimuhamedowy Moskwa Ýeňiş Gününe çagyrdy
Russiýanyň baştutany Wladimir Putin Serdar Berdimuhamedowy Beýik Watançylyk urşunda gazanylan Ýeňşiň 78 ýyllygyna bagyşlanyp Moskwada geçiriljek dabaraly çärelere gatnaşmaga çagyrdy.
Bu barada iki döwletiň baştutanlarynyň telefon gepleşikleriniň netijesi boýunça belli boldy – diýip,Türkmenistanyň döwlet habarlary agentligi habar berýär. Serdar Berdimuhamedow russiýaly kärdeşine çakylyk üçin minnetdarlyk bildirdi.
Söhbetdeşligiň barşynda prezidentler döwletara hyzmatdaşlygynyň, şol sanda parlamentara hyzmatdaşlygyň jemlerine garadylar. 2022-nji ýylda ikitaraplaýyn we köptaraplaýyn derejelerde 6 duşuşygyň geçirilendigi bellenildi.
Serdar Berdimuhamedow Türkmenistanyň Russiýa ýaly ýurdy frontda, şeýle hem tylda gorap, ýeňşi gazananlaryň hakydasyna hormat goýýandygyny we mundan beýläk-de uruş weteranlaryna uly üns bilen garajakdygyny beýan etdi.
Gepleşikler tamamlanandan soňra döwlet baştutanlary köp ugurlar boýunça hyzmatdaşlygy ösdürmäge taýýardyklaryny tassykladylar.
ORIENT habarlar
