TDH habar gullugynyň habar bermegine görä, türkmen parlamentiniň ýokarky palatasy birinji çagyrylyşynyň sekizinji mejlisinde ara alyp maslahatlaşmak üçin hödürlenen kanunlar birnäçesini biragyzdan makullady.
TDH gullugynyň habar bermegine görä, Türkmenistanyň Prezidenti Serdar Berdimuhamedow resmi sapar bilen Birleşen Arap Emirliklerine bardy.
Ýaponiýanyň hökümeti dekabryň ikinji ýarymynda Tokioda Merkezi Aziýanyň bäş ýurdunyň daşary işler ministrleriniň duşuşygyny geçirmegi meýilleşdirýär. Bu barada ýekşenbe güni Ýaponiýanyň diplomatik çeşmelerine salgylanyp, Kyodo habarlar agentligi habar berdi.
Türkmensiatnyň Prezidentiniň Birleşen Arap Emirliklerine resmi sapary 21-22-nji noýabra meýilleşdirildi. Bu saparyň iş maksatnamasynyň taýýarlanylyşy barada anna güni türkmen hökümetiniň mejlisinde wise-premýer, daşary işler ministri Raşid Meredow hasabat berdi.
Türkmenistanyň Döwlet gümrük gullugynyň hem-de Söwda we daşary ykdysady aragatnaşyklar ministrliginiň hünärmenleri Germaniýanyň Halkara hyzmatdaşlyk jemgyýetiniň hünärmenleri bilen gümrük amallaryny awtomatlaşdyrmak boýunça mundan beýläkki hyzmatdaşlygyň meselelerini ara alyp maslahatlaşdylar.
Türkmenistanyň wekiliýeti anna güni Samarkantda geçirilen Ýewropa Bileleleşigi bilen Merkezi Aziýanyň arasynda özara baglanyşyklylyk: Global Gateway boýunça maslahata gatnaşdy.
ÝB-niň Daşary işler we howpsuzlyk syýasaty boýunça ýokary wekili, Ýewropa Komissiýasynyň wise-prezidenti Josep Borrell anna güni Samarkantda geçirilen Ýewropa Bileleşigi bilen Merkezi Aziýanyň arasyndaky özara baglanyşyk boýunça maslahatda türkmen wekiliýetiniň ýolbaşçysy, Türkmenistanyň Daşary işler ministriniň orunbasary Wepa Hajyýew bilen ikitaraplaýyn duşuşyk geçirdi.
BMG-nyň Baş Assambleýasy tarapyndan Türkmenistanyň başlangyjy esasynda 2023-nji ýyly halkara derejede “Dialog – parahatçylygyň kepili” diýip yglan etmek barada Kararnamanyň noýabr aýynyň ahyrynda kabul edilmegine garaşylýar – diýip, Daşary işler ministriniň orunbasary Wepa Hajyýew penşenbe güni Samarkantda geçirilen Merkezi Aziýa we Ýewropa Bileleşiginiň döwletleriniň daşary işler ministrleriniň 18-nji duşuşygynda aýtdy.
Anna güni Türkmenistanyň Prezidenti Serdar Berdimuhamedow Türkiýäniň Parlamentiniň ýolbaşçysy Mustafa Şentopuň baştutanlygyndaky wekiliýetini kabul etdi.
Türkiýäniň Beýik Millet Ýygnagynyň başlygy Mustafa Şentop hem-de onuň ýolbaşçylygyndaky parlament wekiliýeti penşenbe güni iki günlük resmi sapar bilen Aşgabada geldi.
Ýewraziýa ösüş banky sebitiň suw we energiýa toplumyna maýa goýumlarynyň zerurlygyny 11 milliard dollara çenli azaltmaga we sarp edijiler üçin ortaça nyrhyň ösüşini 50 göterimden 35 göterime çenli peseltmäge kömek etjek Merkezi Aziýanyň energiýa ulgamyny ösdürmegiň iň amatly görnüşini hödürledi.
Türkmenistanyň Astrahandaky diplomatik wekilhanasynyň resmi saýtynda Türkmenistanyň konsuly Nury Gölliýewiň Astrahan uniwersitetiniň rektory Olga Başkina bilen bolan duşuşygyndan soň berilýän habara görä, Astrahanyň döwlet lukmançylyk uniwersitetinde dürli hünärler we ugurlar boýunça Türkmenistandan 180 sany talyp bilim alýar.
Prezident Serdar Berdimuhamedow we EYR-niň wekiliýetine ýolbaşçylyk edip Aşgabada gelen Eýranyň nebit ministri Jawad Owji energetika babatda hyzmatdaşlyk etmek meselelerini ara alyp maslahatlaşdylar.
Türkmenistanda adam hukuklary boýunça Ygtyýarlandyrylan Ýazdursun Gurbannazarowa Garaşsyz Döwletleriň Arkalaşygyndaky kärdeşleri bilen GDA-nyň ombudsmenleriniň Arkalaşygyň Ýerine ýetiriji komitetiniň bölüminde geçirilen mejlisinde raýatlaryň adam hukuklaryny we bähbitlerini goramak meselesini ara alyp maslahatlaşyldy. Bu barada guramanyň resmi internet sahypasy habar berýär.
Ykdysady hyzmatdaşlyk boýunça hökümetara türkmen-rus toparynyň ýolbaşçylary – premýer-ministrler Raşid Meredow we Alekseý Owerçuk sişenbe güni Aşgabatda gepleşikleri geçirip, 6-7-nji dekabrda Moskwada meýilleşdirilýän HAT ýygnagynyň gün tertibini ara alyp maslahatlaşdylar.
