Türkmenistanyň Prezidenti Gazagystanyň baştutanyny Garaşsyzlyk güni bilen gutlady
Türkmenistanyň Prezidenti Serdar Berdimuhamedow Türkmenistan bilen Gazagystan Respublikasynyň arasyndaky özara gatnaşygyň iki ýurduň halkalarynyň bähbidi üçin gyşarnyksyz ösjekdigine ynam bildirdi we iki döwletiň arasyndaky gatnaşyklaryň uzak möhletli we strategiki häsiýete eýedigini belledi.
Bu barada Döwlet baştutany şu günlerde öz garaşsyzlygynyň 31 ýyllygyny belläp geçýän özüniň gazak kärdeşi Kasym-Žomart Tokaýewe we Gazagystanyň bütin halkyna iberen gutlagynda beýan etdi – diýip, TDH habar berýär.
Türkmenistanyň parlamentiniň ýokarky palatasynyň başlygy Gurbanguly Berdimuhamedow iki ýurduň arasyndaky ikitaraplaýyn gatnaşyklary ýokary depginde ösýär – diýip, baha bermek bilen, öz gutlagynda Respublikanyň baştutanyna we Gazagystanyň halkyna parahatçylyk, mundan beýläk-de öňe gidişligi we gülläp ösüş arzuw etdi.
Türkmen-gazak gatnaşyklarynyň netijeli we birek-birege hormat goýmaklyga eýedigine Türkmenistanyň Prezidentiniň şu ýylyň oktýabr aýynda Gazagystan Respublikasyna eden döwlet saparyny mysal bolup durýar, onuň dowamynda ykdysadyýet, ulag-aragatnaşyk we logistika ugurlarynda möhüm ylalaşyklar gazanylypdy.
ORIENT habarlar
Surat: klike.net
