Hazarýaka ýurtlary bilen hoşniýetli gatnaşyklary berkitmek üçin döredilen «Hazar - Dostluk deňzi» atly ilkinji on günlük motoýöriş 1-nji aprelde Astrahan sebitinde başlandy. Motoýöriş taglymatyny Russiýanyň Prezidenti we Russiýa Federasiýasynyň Daşary işler ministrligi goldady. Bu çärä Astrahan sebitiniň häkimi Igor Babuşkin ýolbaşçylyk etdi.
Türkmenistanda hepdede bir gezek türkmen dilinde neşir ediljek täze “Arkadag” gazeti döredildi. Bu Karara Prezident Serdar Berdimuhamedow gol çekdi. Bu barada ýurdumyzyň Döwlet teleradio müdirliginiň habarlar gepleşiniň agşamky sanynda habar berildi.
Türkmenistanda Ýewropa Birleşigi tarapyndan maliýeleşdirilýän «Merkezi Aziýada zorlukly ekstremizme garşy durnuklylygy güýçlendirmek. ÝB-niň we BMG-niň bilelikdäki hyzmatdaşlygy» (STRIVE Asia) bütindünýä taslamasynyň ýurt düzüm böleginiň jemleri jemlendi.
BMG-niň Neşe serişdeleri we jenaýatçylyk boýunça Müdirliginiň Merkezi Aziýadaky sebitleýin wekili Aşita Mittal türkmen-eýran araçäginde ýerleşýän «Artyk» gümrük nokadyna baryp gördi. Bu barada Türkmenistanyň Döwlet gümrük gullugynyň saýtynda habar berilýär.
30-njy mart, penşenbe güni Minskde GDA-nyň tertipnamalaýyn we beýleki edaralarynyň ýanyndaky Arkalaşygyň agza döwletleriniň hemişelik ygtyýarly wekilleriniň geňeşiniň we GDA-nyň Ykdysady geňeşiniň ýanyndaky Ykdysady meseleler boýunça komissiýanyň bilelikdäki mejlisi geçirildi. Gibrid formatda geçirilen mejlise GDA-nyň Baş sekretary Sergeý Lebedew gatnaşdy.
Arkadag şäheri üçin döwlet ähmiýetli şäher diýen aýratyn hukuk ýagdaýynyň bellenilmegi bilen baglylykda, Türkmenistanyň Prezidenti degişli kanunlara gol çekdi.
GDA-nyň synçylarynyň missiýasy 26-njy martda geçirilen Türkmenistan Mejlisiniň ýedinji çagyryşynyň deputatlarynyň saýlawlaryna taýýarlyk görlüşine we geçirilişine syn etmegiň netijeleri barada beýannama çap etdi.
Türkmenistanyň Malaýziýadaky ilçisi Muhammetnyýaz Maşalow Bangkokda geçirilýändurnukly ösüş boýunça 10-njy Aziýa -Ýuwaş ummany forumyna (APFSD) gatnaşdy. Onuň dowamynda sebitdäki ýurtlaryň wekilleri 2030-njy ýyla çenli meýilnamalaryň ýerine ýetirilmegi babatda pikir alyşdylar.
Türkmenistanyň Döwlet migrasiýa gullugynyň wekilleri Almaty prosessiniň ýokary wezipeli şahslarynyň onlaýn-duşuşygyna gatnaşdylar – diýip, Türkmenistanyň Döwlet migrasiýa gullugynyň saýtynda habar berilýär.
“Pekin Saud Arabystanyny Şanhaý Hyzmatdaşlyk Guramasynyň (ŞHG) dialog hyzmatdaşy derejesini almagy bilen mübärekleýär” – diýip, HHR-nyň DIM-iň resmi wekili Mao Nin penşenbe güni geçirilen brifingde aýtdy.
Merkezi Aziýanyň beýleki döwletleri bilen birlikde Türkmenistanyň wekiliýeti neşe serişdeleriniň we iň täze psihoaktiw jisimleriň bikanun söwdasyna garşy göreşmek boýunça sebitleýin seminaryna gatnaşdy.
Nýu-Ýorka saparynyň çäklerinde Türkmenistanyň Daşary işler ministriniň orunbasary Mähri Bäşimowa BMG-niň ýokary wezipeli şahslary bilen duşuşyklary geçirdi – diýip, Türkmenistanyň BMG-niň ýanyndaky hemişelik wekilhanasynyň saýty habar berýär.
GDA-nyň Baş sekretary Sergeý Lebedew Minskde žurnalistler bilen bolan söhbetdeşlikde: “13-nji aprelde GDA-nyň Merkezi Aziýa ýurtlarynyň we Russiýanyň daşary işler ministrleri Owganystan boýunça ministrler derejesindäki duşuşyga gatnaşarlar – diýdi.
Türkmenistanyň Adatdan daşary we Doly ygtyýarly ilçisi Sapar Palwanow Niderlandlaryň Patyşasy Willem Aleksandra ynanç hatyny gowşurdy.
Türkmenistanyň Awstriýadaky ilçihanasy Azerbaýjanyň, Gazagystanyň, Gyrgyzystanyň, Türkiýäniň we Özbegistanyň diplomatik wekilhanalary bilen, şeýle hem Wenanyň diplomatik akademiýasy bilen bilelikde Türki dilli döwletleriň guramasynyň plenar sessiýasyna gatnaşar.
