Türkmenistanyň Prezidenti Serdar Berdimuhamedow 10-11-nji aprelde resmi sapar bilen Täjigistana geler –diýip, Täjigistanyň baştutanynyň metbugat-gullugyna salgylanyp, «Aziýa Plýus» neşiri habar berýär.
Türkmenistandaky BMG-niň Ösüş Maksatnamasy BMG-niň hemişelik utgaşdyryjysynyň edarasy bilen bilelikde Türkmenistanyň 2030-njy ýyla çenli Durnukly ösüş babatynda bütindünýä Gün tertibini ýerine ýetirmeginiň ikinji Meýletin milli synynyň (MMS) taslamasyny ara alyp maslahatlaşmak üçin seminar geçirdi.
Merkezi Aziýada serhetleri dolandyrmaga ýardam etmek Maksatnamasy (BOMKA 10) bilen hyzmatdaşlyk etmegiň çäklerinde Türkmenistanyň Döwlet serhet gullugynyň Kinologik gullugyna bahasy 9,8 müň ýewro möçberindäki täze türgenleşik enjamygelip gowuşdy. Bu barada BOMKA-nyň saýtynda habar berilýär.
Türkmenistanyň Daşary işler ministriniň orunbasary Mähri Bäşimowa 30-njy martda Nýu-Ýorkda geçjek BMG-niň Baş Assambleýasynyň Galyndysyz önümçilik baradaky ýokary derejedäki maslahatyna gatnaşar – diýip, Türkmenistanyň BMG-niň ýanyndaky Hemişelik wekilhanasynyň saýtynda habar berilýär.
Parlamentiň aşaky palatasyny - Gazagystanyň Majilisiniň täze düzüminiň saýlanmagyndan soňra ýurduň hökümeti Alihan Smailowyň baştutanlygynda öz ygtyýarlyklaryny tabşyrdy - diýip, ýurduň prezidenti Kasym-Žomart Tokaýewiň metbugatgullugy habar berýär.
Şotlandiýanyň milli partiýasynyň lideri Ýusuf Hamza Şotlandiýanyň hökümetiniň baştutany we syýasy lideri edilip saýlandy. Resmi taýdan onuň wezipesine «birinji ministr» diýilýär, resmi däl görnüşde bolsa – premýer-ministr diýilýär. Bu wezipäni Şotlandiýada ilkinji gezek musulman eýeledi – diýip, Sky News ýazýar.
Prezident Serdar Berdimuhamedow Ysraýyl Döwletiniň Türkmenistanda wezipä täze bellenen Adatdan daşary we Doly ygtyýarly ilçisi Ismail Haldini kabul etdi, ilçi döwlet Baştutanymyza ynanç hatyny gowşurdy. Sişenbe güni geçirilen duşuşygyň barşynda diplomat Ysraýyl Döwletiniň Prezidenti Ishak Gersogyň we Premýer-ministr Benýamin Netanýahunyň mähirli salamyny ýetirdi.
Türkmenistanyň Fransiýadaky ilçisi Maksat Çaryýew ÝUNESKO-nyň baş direktorynyň orunbasary Firmin Eduard Matoko bilen hyzmatdaşlygyň amaly jähtlerini ara alyp maslahatlaşdy.
Hyzmatdaşlygy mundan beýläk-de ösdürmegiň meselelerini ara alyp maslahatlaşmak maksady bilen,Ý. Kakaýew adyndaky Halkara nebit we gaz uniwersitetinde Türkmenistanyň nebitgaz pudagynyň wekilleriniň bu ugurdan ýöriteleşen halkara kompaniýalary we ýokary okuw mekdepleri bilen iş duşuşygy geçirildi.
30-njy martda GDA-nyň Minskdäki baş edarasynda GDA-nyň Ykdysady Geňeşiniň ýanyndaky Hemişelik Wekiller Geňeşiniň we Ykdysady meseleler boýunça toparynyň bilelikdäki mejlisi geçiriler.
Türkmenistan, biziň daşary ykdysady syýasatymyzyň esasy ugry bolup çykyş edýän halkara ulag hyzmatdaşlygynyň ösdürilmegine uly ähmiýet berýär, - diýip Prezident Serdar Berdimuhamedow duşenbe güni «Rossiýskiýe železnyýe dorogi» APJ geňeşiniň başlygy Oleg Belozýorow bilen geçirilen duşuşygynda aýtdy.
"Şu gün Budapeştde Özbegistanyň ilçihanasynyň açylmagy bilen, indi Wengriýada Türki döwletler guramasynyň ähli agza ýurtlarynyň diplomatik wekilhanalary bar" – diýip, Wengriýanyň Daşary işler we daşary ykdysady gatnaşyklar ministri Piter Siýýarto ilçihananyň “Facebook”-da ýaýlyma berlen açylyş dabarasynda aýtdy.
Belgiýa kompaniýalarynyň maglumat tehnologiýalaryny durmuşa geçirmek, sanlaşdyrmak, “ýaşyl” ykdysadyýet taslamalaryny durmuşa geçirmek we täze türkmen şäheri Arkadagda ösdürmek ýaly ugurlarda maýa goýum geljegi Türkmenistanyň Belgiýa Patyşalygyndaky Adatdan daşary we Doly ygtyýarly ilçisi Sapar Pälwanow bilen Antwerpen welaýatynyň gubernatory Keti Beresiň arasynda 27-nji mart, duşenbe güni geçirilen duşuşygyň esasy mowzuklaryndan biri boldy.
Türkmenistanyň Merkezi saýlaw topary Mejlisiň deputatlarynyň, halk maslahatynyň agzalarynyň we geňeşiň 26-njy martdaky saýlawlaryny tutuş ýurt boýunça 2644 saýlaw uçastogynda geçdi diýip ykrar etdi.
Türkiýe Türkmenistandaky parlament saýlawlarynyň netijelerini makullaýar – diýip, ýurduň DIM-niň resmi saýtyndaky metbugat maglumatynda habar berilýär.
