Türkmenistanyň Prezidenti Serdar Berdimuhamedow Oleg Kononenkony Kosmonawtika güni bilen gutlady
Türkmenistanyň Prezidenti Serdar Berdimuhamedow Türkmenistanyň we Russiýanyň gahrymany, «Roskosmosyň» kosmonawtlar otrýadynyň komandiri Oleg Kononenkony Kosmonawtika güni bilen gutlady – diýip, TDH habar berýär.
«Älem giňişligini öwrenmek we özleşdirmek häzirki zaman ylmynyň aýrylmaz bölegi bolup, bütin adamzadyň ösüşi üçin täze mümkinçilikleri açýar. Köpýyllyk zähmetiňiz bilen Siz bu asylly işe mynasyp goşant goşýarsyňyz» diýlip, döwlet Baştutanymyzyň hatynda bellenilýär.
Asly türkmen topragyndan bolan kosmonawty şeýle hem Türkmenistanyň Halk Maslahatynyň Başlygy Gurbanguly Berdimuhamedow hem gutlady.
«Size berk jan saglyk, bagtyýarlyk we maşgala abadançylygyny arzuw edýärin. Goý, älemi öwrenmäge we özleşdirmäge, giň jahanymyza akyl ýetirmäge goşant goşýan hünär işiňizde Size hemişe üstünlik hemra bolsun!” – diýip, milli lider öz iberen hatynda belledi.
ORIENT habarlar
