Myrat Garryýew adyndaky Döwlet lukmançylyk uniwersitetiniň Ylmy-barlag merkeziniň alymlar topary görejiň peselmegine, kähalatda bolsa ýitmegine getirýän göz keselini, iriňli keratiti bejermegiň täze usulyny ulanmagyň mümkindigini synag arkaly subut etdi. Tejribäniň gidişi we netijeleri “Türkmenistanyň lukmançylygy” žurnalynda çap edilen ylmy işde beýan edildi.
Türkmenistanyň günorta-günbatarynda 20 ýyl gözlegden soňra ozal Türkmenistanyň ösümlik dünýäsinden ýitip giden diýlip hasaplanýan ösümligiň görnüşi – ýabany german muşmulasy tapyldy. Ony barmasy kyn bolan dag böleginde tapdylar.
Türkmenistanyň ilçisi Sapar Pälwanow 28-nji iýulda Ýewropa Komissiýasynyň prezidenti Ursula fon der Lýaýene ynanç hatyny gowşurdy. Söhbetdeşlikde ilçi Türkmenistanyň mümkin bolan ähli ugurlarda ikitaraplaýyn hyzmatdaşlygyň mehanizmlerini has-da pugtalandyrmak borjuny tassyklady.
Pakistanyň täze ýörite maýa goýumlaryny ösdürmek geňeşi (SIFC) Pars aýlagynyň arap ýurtlaryna maýa goýumlary, şol sanda TAPI gaz geçirijisi taslamasy bilen teklip ediljek milliardlarça dollarlyk 28 sany ileri tutulýan taslamany tassyklady.
Matilda Bogner BMG-nyň adam hukuklary boýunça ýokary komissarlygynyň MA Müdirliginiň täze sebitleýin wekili edilip bellendi. Bu barada guramanyň sebtleýin edarasynyň Instagramdaky sahypasynda habar berilýär.
Ahal welaýatynyň Kaka etrabynda kuwwatlylygy sekuntda 4,15 kub metr suwy götermäge ukyply täze suw göteriji beket gurlar. Bu barada Türkmenistanyň resmi metbugaty habar berýär.
Ahal welaýatynyň Ak bugdaý etrabynda sekuntda 2,13 kub metr suwy götermäge ukyply täze suw bekedi gurlar. “Ýaşyldepe” diýlip atlandyryljak täze suw göteriji beketde suwy eltiji, göteriji, paýlaýjy turbageçirijiler we elektrik hereketlendirijiler oturdylar.
Türkmenistan Birleşen Milletler Guramasynyň Baş Assambleýasynyň 2023-nji ýylyň 12-nji sentýabrynda Nýu-Ýork şäherinde öz işine başlajak nobatdaky 78-nji sessiýasynda hödürlenjek birnäçe halkara başlangyçlaryny taýýarlaýar.
Türkmenistanyň Belgiýadaky ilçisi Sapar Pälwanow, Merkezi Aziýa ýurtlaryna hukuk goraýjy edaralaryň hünärlerini güýçlendirmekde kömek bermek üçin LEICA (Merkezi Aziýada hukuk goraýjy) taslamasynyň direktory Genael Le Breton bilen onlaýn duşuşyk geçirdi. Şeýle hem, wideokonferensiýa Taslamanyň sebit direktory Giorgi Beridze goşuldy.
Ýewropa Bileleşiginiň maliýeleşdirmeginde Merkezi Aziýada serhetleri dolandyrmak maksatnamasy (BOMKA 10) Türkmenistana ýörite fitosanitar enjamlar toplumynyň 25-sini gowşurdy. Bu barada Maksatnamanyň degişli resmi saýtynda mälim edilýär.
Türkmenistanyň Gazagystan Respublikasyndaky ilçisi Batyr Rejebow Merkezi Aziýa döwletleriniň we ABŞ-nyň wekilleriniň Owganystan boýunça geçiren duşuşygyna gatnaşdy. Bu barada ýurdumyzyň ilçihanasy habar berýär.
Izmir we Bodrum MICHELIN gidiniň gözegçileriniň dykgatly ünsünde bolan iki täze türk çägi hökmünde Stambula goşulýarlar.
Penşenbe güni Daşkentde Türkmenistanyň we Özbegistanyň Daşary işler ministrlikleriniň wekilleri tarapyndan konsullyk geňeşmeleriniň nobatdaky tapgyry geçirildi.
Amerikanyň Birleşen Ştatlarynyň “Grow This: West Virginia Garden Challenge” taslamasyna gatnaşyjy, ýurduň Kleý şäheriniň ýaşaýjysy Şerri Uiwer Günbatar Wirjiniýa ştatynyň Morgantaun şäheriniň ýaşaýjylary bilen iň uly ekologiýa sapagyny geçirip, bu boýunça Türkmenistanyň rekordyny gaýtalamak isleýär. Bu ekologiýa sapagy taryhda bagçylyk boýunça iň ulusy bolar diýip, “WDTV” teleýaýlymy habar berýär.
Aşgabat şäheriniň Döwletmämmet Azady köçesiniň S.Türkmenbaşy şaýoly we A.S.Puşkin köçesi bilen kesişýän çatryklarynda düýpli abadanlaşdyryş işleri geçiriler. Degişli işleri amala aşyrmak üçin gerek bolan gurluşyk serişdelerini we enjamlary satyn almak boýunça açyk bäsleşik yglan edildi diýip, “Türkmenistan” gazeti habar berýär.
