Aşgabadyň Türkmenbaşy şaýoly we Puşkin köçesinde abadanlaşdyryş işleri geçiriler
Aşgabat şäheriniň Döwletmämmet Azady köçesiniň S.Türkmenbaşy şaýoly we A.S.Puşkin köçesi bilen kesişýän çatryklarynda düýpli abadanlaşdyryş işleri geçiriler. Degişli işleri amala aşyrmak üçin gerek bolan gurluşyk serişdelerini we enjamlary satyn almak boýunça açyk bäsleşik yglan edildi diýip, “Türkmenistan” gazeti habar berýär.
Abadanlaşdyryş işleri geçirilmeli ýer paýtagtyň “Aşgabat” seýilgähiniň, Ylymlar akademiýasynyň Taryh we arheologiýa institutynyň, daşary ýurt ilçihanasynyň, A.S.Puşkiniň taryhy ýadygärligi ýerleşýän seýilgähiň we Leniniň bagynyň çäklerini öz içine alýar.
Abadanlaşdyryş işlerine gatnaşmak isleýän taraplaryň ýüztutmalary 4-nji sentýabra çenli kabul edilýär. Oňa gerek bolan resminamalary paýtagtyň Arçabil şaýolunyň 156-njy jaýynda ýerleşýän Türkmenistanyň Maliýe we ykdysadyýet ministrliginde alyp bolýar.
Habarlaşmak üçin telefon belgileri: 39-46-32, 39-46-38, 39-46-39.
ORIENT news
