Şenbe güni, 18-mji martda Türkmenistanyň Döwlet haryt-çig mal biržasyndaky söwdalaşyklarda jemi bahasy $1,7 mln amerikan dollaryna deň bolan 6 geleşik baglaşyldy – diýip, ORIENT-iň habarçysy habar berýär.
Tebigy gazyň senagat ähmiýetli akymyny «Türkmengaz» konserniniň «Türkmengazburawlaýyş» müdirliginiň burawlaýjylary Türkmenistanyň Mary welaýatynda «Şerepli» gaz ýatagynda aldylar – diýip, «Nebit-Gaz» gazeti habar berýär.
Yslamabadyň strategiki barlaglar institutynyň (CPSC/ISSI) hytaý-pakistan ylmy-barlag merkezi Merkezi Aziýa ýurtlarynda we Azerbaýjanda analitiki merkezleriň toruny döretmekligi teklip etdi.
Türkiýe gaz haby bolmagyň ýolunda çalt depginler bilen hereket edýär – diýip, Türkiýäniň prezidenti Rejep Taýyp Ärdogan Balykesir welaýatynyň Bandyrma etrabynda bor karbidini öndürmek boýunça zawodyň açylyşynda beýan etdi – diýip, Anadolu agentligi habar berýär.
Anna güni, 17-nji martda Türkmenistanyň Döwlet haryt-çig mal biržasynda jemi bahasy $126,7 mln amerikan dollaryna deň bolan 11 geleşik baglaşyldy – diýip, ORIENT-iň habarçysy habar berýär.
Türkmenistan 2023-nji ýylyň ýanwar-fewral aýlarynda Azerbaýjana $89,5 mln möçberdäki harydy eksport etdi, bu bolsa geçen ýylyň görkezijisinden 4 esse ýokarydyr – diýip, Trend portaly habar berýär.
ŞHG-na agza-döwletleriň energetika ministrleri ýangyjyň täze görnüşleri we energetika pudagynda modelirleme boýunça hyzmatdaşlyk barada Bilelikdäki beýannamany kabul etdiler. Bu barada guramanyň resmi saýty habar berýär.
«Demirýollary» açyk görnüşli paýdarlar jemgyýeti demir ýollaryň geçelgesini elektrikleşdirmegi meýilleşdirýär, munuň üçin duýduryş, aragatnaşyk we elektrik üpjünçiligi üçin maddy-tehniki serişdeler satyn alnar.
2022-nji ýyldan bäri Türkmenistanda motorly we motorsyz gämileri öndürýän «Şanly mekan» Hojalyk jemgyýeti ýahtalaryň önümçiligini ýola goýmaklygy meýilleşdirýär.
Gündogar Ýewropadaky iri IT kompaniýalarynyň biriniň – IBA Group-yň wekiliýeti – «Türkmendemirýollary» agentliginiň we AGPJ «Demirýollarynyň» ýolbaşçylary bilen demir ýol pudagynda hyzmatdaşlygy ösdürmek barada gepleşikleri geçirdi.
Garaşsyz Döwletleriň Arkalaşygynyň Ykdysady geňeşiniň ýyllyk mejlisinde Türkmenistana Ministrler Kabinetiniň Başlygynyň orunbasary Hojamyrat Geldymyradow wekilçilik etdi. Bu çäre adatça Halkara ykdysady forumy bilen bir wagtda geçirilýär. Bu ýyl işewür we hökümet wekilleri 97-nji gezek Moskwa ýygnandylar. Forum 17-nji martda Gyrgyzystanyň ýolbaşçylyk etmeginde Halkara söwda merkezinde geçirildi, – diýip GDA-nyň internet portaly habar berýär.
Türkmenistanyň parlamenti «Brýussel şäherinde kabul edilen we Üýtgetme girizmek baradaky Teswirnama arkaly üýtgetme girizilen Harytlary beýan etmegiň we kodlaşdyrmagyň sazlaşdyrylan ulgamy hakyndaky halkara Konwensiýa goşulmak hakynda» kanunyň kabul edilmegi üçin biragyzdan ses berdi.
17-nji martda Aşgabatda Türkmenistanyň Senagatçylar we telekeçiler birleşmesiniň döredilmeginiň 15 ýyllygy mynasybetli türkmen işewürliginiň wekilleriniň sergisi başlandy. Ol ýurduň Söwda-senagat edarasynyň binasynda 17-nji martdan 23-nji marta çenli dowam eder.
Täze Airbus A330-200P2F ýük uçary türkmen milli howa gatnadyjysy Turkmenistan airlines kompaniýasynyň uçar parkynyň üstüni ýetirdi. Bu Türkmenhowaýollary bilen ýewropaly öndürijiniň arasynda baglaşylan şertnamanyň çäklerinde gelen iki uçaryň birinjisidir.
Ýigit Hojalyk jemgyýeti Türkmenistanda ilkinji bolup Global G.A.P. halkara şahadatnamasyny aldy, bu kärhananyň önüminiň iň ýokary hil ölçeglerine, howpsuzlyga we ekologik görkezijilere gabat gelýändigini tassyklaýar.
