Ärdogan: Gara deňziň gazy tiz wagtda Türkiýä gelip başlar
Türkiýe gaz haby bolmagyň ýolunda çalt depginler bilen hereket edýär – diýip, Türkiýäniň prezidenti Rejep Taýyp Ärdogan Balykesir welaýatynyň Bandyrma etrabynda bor karbidini öndürmek boýunça zawodyň açylyşynda beýan etdi – diýip, Anadolu agentligi habar berýär.
Ärdogan fewral aýyndaky ýer titremeleriniň netijelerini aradan aýyrmak bilen baglanyşykly yza galmalara garamazdan basym Gara deňziň gazy Türkiýäniň gaz-ulag ulgamyna gelip başlar diýip belledi.
«Biz islendik päsgelçilikleriň Türkiýäniň Respublikanyň 100 ýyllygyna bellenen maksatlaryna ýetmegine päsgel bermegine ýol bermeris» – diýip, ol beýan etdi. Prezident şeýle hem Türkiýäniň energiýanyň gaýtadan dikeldilýän çeşmeleriniň esasynda elektrik energiýasyny işläp çykarmak boýunça dünýäniň öňdebaryjy on ýurdunyň hataryna girmäge taýýarlanýar – diýip, belledi.
ORIENT habarlar
