Kuwwatlylygy bir gije-gündizde 30 müň kubmetre deň bolan suw arassalaýjy desga Ahal welaýatynyň Ak bugdaý etrabynda peýda bolar. Degişli tender-bäsleşigini resmi türkmen metbugatynda çap edildi.
Şenbe güni, 25-nji martda Türkmenistanyň Döwlet haryt-çig mal biržasyndaky söwdalaşyklarda jemi bahasy $8,2 mln amerikan dollaryna deň bolan 5 geleşik baglaşyldy – diýip, ORIENT-iň habarçysy habar berýär.
Merkezi Aziýa bazarlarynyň 35%-i rus maýadarlarynyň gözüne ildi. Maglumat Atlas býurosynyň bilermenleri tarapyndan Almaty, Bişkek, Duşanbe we Daşkent şäherlerindäki 147 bazary öz içine alýan barlag taslamasynyň çäginde mälim edildi.
Anna güni Astanada Gazagystanyň Prezidenti Kasym-Žomart Tokaýew bilen «Gazprom» JPJ –niň Geňeşiniň Başlygy Alekseý Milleriň arasynda geçirlen iş duşuşygynda energiýa pudagynda hyzmatdaşlygyň ileri tutulýan ugurlary ara alyp maslahatlaşyldy.
Azerbaýjan Respublikasynyň Döwlet nebit kompaniýasy (SOCAR) Gazagystanyň nebitiniň Baku-Tbilisi-Jeýhan turbageçirijisiniň üsti bilen üstaşyr daşalyşyny ýola goýdy – diýip, kompaniýanyň metbugat gullugy habar berýär.
Penşenbe güni, 23-nji martda Türkmenistanyň Döwlet haryt-çig mal biržasyndaky söwdalaşyklarda jemi bahasy $1,3 mln amerikan dollaryna deň bolan 3 geleşik baglaşyldy – diýip, ORIENT-iň habarçysy habar berýär.
Türkmenistan, Russiýa we Gazagystan Hazaryň töwereginden aýlanyp geçýän trassanyň gurluşygy barada ylalaşyga gol çekip bilerler - diýip, RF-nyň premýer-ministriniň orunbasary Marat Husnullin RIA Nowosti agentligine gürrüň berdi.
Ýaponiýanyň Daşary işler ministri Kendzi Ýamada we Türkmenistanyň Tokiodaky Adatdan daşary we Doly ygtyýarly ilçisi Atadurdy Baýramow penşenbe güni geçirilen duşuşykda, özara gatnaşyklaryň toplanan tejribesini we häzirki ýagdaýyny göz öňünde tutmak arkaly, ikitaraplaýyn gatnaşyklary ara alyp maslahatlaşdylar.
Türkmenistan, Türkmenbaşydaky deňiz portunyň terminallaryny ynamdar dolandyryşa geçirmek mümkinçliklerini gözden geçirýär. Bu mowzuk Türkmenistanyň «Türkmendeňizderýaýollary» agentliginiň we «KPMG Tax and Advisory LLC» halkara kompaniýasynyň wekilleri bilen geçirilen onlaýn-duşuşykda ara alyp maslahatlaşyldy, – diýip Suw ulaglary agentliginiň resmi saýtynda çap edilen habarda aýdylýar.
Duşenbe güni, 20-nji martda Türkmenistanyň Döwlet haryt-çig mal biržasyndaky söwdalaşyklarda jemi bahasy $15,8 mln amerikan dollaryna deň bolan 12 geleşik baglaşyldy – diýip, ORIENT-iň habarçysy habar berýär.
2025-nji ýylda Ýewraziýa ykdysady bileleşiginiň ýurtlary ýeke-täk energiýa bazary dörederler. Bu barada energetika we infrastrukrura boýunça Ýewraziýa ykdysady komissiýasynyň Gyrgyzystandan ministri Arzybek Kožoşew Bişkekde geçýän Ýewraziýa ykdysady bileleşiginiň halkara energetika forumynyň meýdanynda beýan etdi – diýip, «Rossiýskaýa gazeta» habar berýär.
Türkmenistanda senagat gurluşyk materiallaryny, önümlerini we konstruksiýalaryny öndürmek boýunça iş görnüşi ygtyýarlandyrylmaga degişli işleriň sanawyna goşuldy.
Türkmenistanyň Belgiýadaky, Gollandiýadaky we Lýuksemburgdaky ilçisi Sapar Pälwanow Lýuksemburgyň Söwda palatasynyň Halkara gatnaşyklary bölüminiň müdiri Sindi Tereba bilen duşuşdy. Diplomat, Ahal welaýatynyň dolandyryş merkezi bolan täze Türkmen şäheriniň – Arkadag şäheriniň tanyşdyrylyş dabarasyny geçirdi. Pälwanow bu şäheriň ýurdymyzda ilkinji bolup «akylly», ekologiýa taýdan arassa şäher statusyna eýe boljakdygyny belläp, Lýuksemburg kompaniýalaryny sanlylaşdyrma, IT pudagynda ýokary tehnologiýaly çözgütleri ulanyp bilelikdäki maýa goýum taslamalaryna gatnaşmaga, şeýle hem «smart sity» ulgamlaryny dolandyrmak pudagynda özara gatnaşyklaryň mümkinçiligini öwrenmäge çagyrdy.
– “Gyrgyzystan altynyň baý ätiýaçlyk goruny toplady” – diýip, Prezident Sadyr Japarow sişenbe güni Nowruz baýramçylygy mynasybetli eden çykyşynda aýtdy.
Türkmenistanyň Döwlet gümrük gullugynyň başlygynyň orunbasarynyň baştutanlygyndaky türkmen wekiliýeti gümrük gulluklarynyň ýolbaşçylarynyň «bir penjire» ýörelgesi boýunça «Gündogar-Günbataryň» ugrundaky Hazarüsti halkara Orta geçelgesiniň üstaşyr düzgünleriniň ýönekeýleşdirilmegi taslamasy boýunça Köptaraplaýyn duşuşygyna gatnaşdy.
