Sişenbe güni, 2-nji maýda Aşgabatda awtoulag boýunça türkmen-rumyn toparynyň ikinji mejlisi geçirildi. Bu çäre çarşenbe güni açyljak ulag we üstaşyr geçelgeleri boýunça halkara forumyň çäginde geçirildi.
Halkara söwda proseduralarynyň ýönekeýleşdirilmegi we "bitewi penjire" mehanizmini ulanmak Türkmenistanyň BMG-nyň Ýewropa ykdysady komissiýasy bilen hyzmatdaşlygynyň, şol sanda ýurduň BSG-ä goşulmak prosesini hem göz öňünde tutýan iň möhüm taraplaryndan biri hasaplanýar. Bu barada sişenbe güni Türkmenistanyň Daşary işler ministriniň orunbasary Mähri Bäşimowanyň Türkmenistanyň BMG-nyň ÝYK-yň ýerine ýetiriji sekretarynyň orunbasary Dmitriý Maryasin bilen geçiren duşuşygynda gürrüň edildi.
Türkmenistanyň Döwlet daşary ykdysady iş banky Sanly bank platformasyny ornaşdyrýar. Bu meselede bar bolan öňe gidişlikler hakda, şeýle hem taslamanyň integrasion esasynyň taýýarlygy baradaky hasabat halkara IT-geňeşçisi Tim Torsteniň Türkmenistana saparynyň barşynda hödürlenildi.
Duşenbe güni, 1-nji maýda Türkmenistanyň Döwlet haryt-çig mal biržasyndaky söwdalaşyklarda A-92 kysymly awtoulag benzininiň 6,8 müň tonnasy eksport edildi – diýip, ORIENT-iň habarçysy habar berýär.
«Türkmennebit» döwlet konserni üstümizdäki ýylyň awgustynda iki sany täze guýynyň işe griizilmegi bilen Uzynada geljegi uly gaz ýatagyndan gaz kondensatynyň uly akymyny almaklygy meýilleşdirýär – diýip, «Neýtralnyý Turkmenistan» gazeti habar berýär.
Döwlet guramalarynyň we telekeçilik gurluşlarynyň gatnaşmagyndaky türkmen-german ykdysady forumy üstümizdäki ýylyň oktýabrynda Germaniýada geçiriler. Çärä taýýarlyk görmegiň çäklerinde sanly aragatnaşyk arkaly tematiki seminarlar geçer.
Türkmenistanyň Maliýe we ykdysadyýet ministri Serdar Joraýew HWG-nyň ýanyndaky Kawkaz, Merkezi Aziýa we Mongoliýa ýurtlary üçin mümkinçilikleri ösdürmegiň Sebitleýin merkeziniň direktory Norbert Funke bilen duşuşyk geçirdi, ol Merkeziň wekiliýetiniň baştutany hökmünde Aşgabada sapar bilen geldi.
2-nji maýda Türkmenistanyň Maliýe we ykdysadyýet ministri Serdar Joraýew Aşgabada sapar bilen gelen BMG-niň Ýewropa ykdysady komissiýasynyň ýerine ýetirji sekretarynyň orunbasary Dmitriý Marýasin bilen duşuşyk geçirdi.
Maý aýyndan başlap OPEK+ ylalaşygyna agza ýurtlaryň, şol sanda iri nebit öndüriji — Saud Arabystany — nebiti çykarmagy meýletin kemeldip başladylar – diýip, TASS habar berýär.
Türkmenistan bilen Özbegistanyň arasyndaky haryt dolanyşygy 2023-nji ýylyň ýanwar-mart aýlarynda geçen ýylyň degişli döwri bilen deňeşdireniňde 10,5% artdy we ABŞ-nyň 263,4 mln dollaryna ýetdi. Şeýle maglumatlar Özbegistanyň sebitiň ýurtlary bilen söwdasynyň infografikasynda getirilendir – diýip, ÖR-nyň Statistika baradaky agentligi habar berýär.
Türkmenistanda 2023-nji ýylyň ýanwar-aprel aýlarynda nägt däl amallaryň möçberi geçen ýylyň degişli döwri bilen deňeşdireniňde 41,05% artyp, 3,83 mlrd türkmen manadyna deň boldy. Muňa Türkmenistanyň Merkezi banky tarapyndan çap edilen maglumatlar şaýatlyk edýär.
Özbegistana Russiýadan gaz üpjünçiligi esasy gaz turbageçirijisi (EGG) Merkezi Aziýa - Merkez (MAM) arkaly amala aşyrylar. Bu barada Respublikanyň Energetika ministri Žurabek Mirzamahmudow Daşkendiň 2-nji halkara maýa goýum forumynyň çäginde habar berdi.
Talyban hökümeti «Ýasyr Basyr» halkara firmasynyň suwuklandyrylan nebit gazyny Türkmenistandan Pakistana Owganystanyň üsti bilen daşap başlandygyny habar berdi. Bu habar, Talyban hökümetiniň Kandahardaky edarasy tarapyndan Kandagaryň Şurandum şäherinde geçirilen resmi dabarany öz içine alýan habar býulleteninden geldi.
Anna güni, 28-nji aprelde Türkmenistanyň döwlet haryt-çig mal biržasyndaky söwdalaşyklarda jemi bahasy $28,9 mln amerikan dollaryna golaý 6 geleşik baglaşyldy - diýip, ORIENT-iň habarçysy habar berýär.
Täjigistan 2023-nji ýyl üçin «Türkmenistan — Hytaý, D liniýa» gaz geçirijisiniň gurluşygy üçin daşary ýurt işçi güýjüni çekmäge kwota berer. Respublikanyň çäklerindäki işlere 2719 hünärmen gatnaşyp biler.
