Duşenbe güni, 8-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $16,2 mln amerikan dollaryna deň bolan 8 geleşik baglaşyldy – diýip, ORIENT-iň habarçysy habar berýär.
Senagaty awtomatlaşdyrmak üçin maglumatlar önümini amerikan üpjün edijisi Rockwell Automation we onuň paýlaýjysy AB Market Türkmenistanyň we Azerbaýjanyň bazarlaryna çykýarlar.
Qingdao Relong Technology Co., Ltd. hytaý kompaniýasy Hazar şäheriniň golaýynda Hazar deňziniň kenarynda düýbi çuňlaşdyrmak işleriniň geçirilmegi üçin läbik sorujy dredgingi Türkmenistana iberdi – diýip, Dredging Today habar berýär.
2023-nji ýylyň ýanwar-fewral aýlarynda Türkmenistan Belgiýa 2,33 mln ýewrolyk möçberde harytlary eksport etdi – diýip, Ýewropa Birleşiginiň statistiki müdirligine — Eurostata salgylanyp, Trend habar berýär.
Şenbe güni, 6-njy maýda Türkmenistanyň Döwlet haryt-çig mal biržasyndaky söwdalaşyklarda ТС-1kysymly uçar kerosininiň 2,5 müň tonnasyny daşary ýurda ugratmak barada geleşik baglaşyldy.
Aşgabatda Türkmenistanda dolandyryş işgärlerinitaýýarlamak boýunça türkmen-german Maksatnamasynyň 15 ýyllygyny ýurduň Maliýe we ykdysadyýet ministriniň orunbasary Begmyrat Allakbaýewiň gatnaşmagynda belläp geçdiler – diýlip, Germaniýanyň Türkmenistandaky ilçihanasynyň saýtynda habar berilýär.
Türkmenistanyň Astrahandaky konsuly Nury Gölliýew Birleşen gämi gurluşyk korporasiýasynyň direktorlar geňeşiniň baştutany Georgiý Poltawçenko bilen duşuşdy, ol diplomata 00108 birinji konteýner daşaýjynyň gurluşygyna başlanandygy barada habar berdi – diýip, türkmen konsullygy habar berýär.
Daşkentde, Gazagystanyň we Özbegistanyň hökümet baştutanlary Alihan Smailowyň we Abdulla Aripowyň ýolbaşçylygynda merkezi döwlet edaralarynyň ýolbaşçylarynyň we iki ýurduň işewür toparlarynyň wekilleriniň gatnaşmagynda hökümetara toparynyň 20-nji mejlisi geçirildi.
Aziýanyň Ösüş Banky 2030-njy ýyla çenli howany maliýeleşdirmek üçin 100 milliard dollar bermegi meýilleşdirýär. Bu hepde, AÖB Aziýa-Ýuwaş ummany sebitinde howany maliýeleşdirmek boýunça innowasion desgany işe girizdi. Ol howanyň üýtgemegi bilen göreşmäge şeýle wajyp milliardlarça dollar maýa goýumyny çaltlaşdyrmak üçin itergi hökmünde hyzmatdaşlardan kepillikleri ulanar. Täze maksatnama, parnik gazlarynyň zyňyndylaryny azaldýan we howanyň durnuklylygyny ýokarlandyrýan taslamalary maliýeleşdirmek üçin 15 milliard dollara çenli serişde toplamaga gönükdirilendir.
Anna güni, 5-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy 50,5 mln türkmen manadyna deň bolan 42 geleşik baglaşyldy – diýip, ORIENT-iň habarçysy habar berýär.
«Demirgazyk-Günorta» Halkara ulag geçelgesi boýunça ilkinji konteýnerli otly Günorta Ural Demirýolunyň Çelýabinsk-Gruzowoý stansiýasyndan ugrady.
“Türkmendeňizderýaýollary” agentligi pudaklaýyn ösüşiň ileri tutulýan ugurlary boýunça halkara hyzmatdaşlygyny giňeldýär. 3-4-nji maýda Aşgabatda geçirilen ITTC-2023 Halkara ulag forumynyň çäginde agentligiň düzümine girýän kärhanalar daşary ýurt kompaniýalary bilen täze ylalaşyklary baglaşdylar.
3-4-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $70 mln amerikan dollaryna deň bolan 22 geleşik baglaşyldy – diýip, ORIENT-iň habarçysy habar berýär.
Türkmenistanyň Senagatçylar we telekeçiler birleşmesiniň agzalarynyň düzümdäki işewürler wekiliýeti Rumyniýanyň hususy toparlarynyň wekilleri bilen birnäçe duşuşyklary geçirdi – diýip, Buharestdäki türkmen diplomatik wekilhanasy habar berýär. Duşuşygyň esasy maksady – türkmen-rumyn ykdysady hyzmatdaşlygyny işjeňleşdirmekdir.
Türkmenistanyň Prezidentiniň ulag diplomatiýasyny ösdürmegiň 2022 — 2025-nji ýyllar üçin Maksatnamasy Ýol-ulag kodeksiniň işlenip taýýarlanmagyny, pudaga Ähliumumy üstaşyr resminamasy ýaly sanly çözgütleriň ornaşdyrylmagyny, ulag infrastrukturasyny döwrebaplaşdyrmagy we giňeltmegi göz öňünde tutýar.
