Ilkinji konteýner otlusy «Demirgazyk-Günorta» HUG boýunça Russiýanyň günortasyndan ugrady
«Demirgazyk-Günorta» Halkara ulag geçelgesi boýunça ilkinji konteýnerli otly Günorta Ural Demirýolunyň Çelýabinsk-Gruzowoý stansiýasyndan ugrady.
Konteýnerli 31 platforma Gazagystanyň we Türkmenistanyň çäklerinden Eýranyň portuna barar. Soňra düzüminde reňkli metallar we azyk önümleri bolan ýük deňiz ýoly arkaly Hindistana ugradylar.
Konteýner otlusynyň hereket etmegi üçin Günorta-Ural magistralynda grafigiň ýöriteleşdirilen ýoly, şol sanda «Rejenama boýunça ýük daşama» hyzmatynyň çäklerinde Russiýanyň çäginde ýükleriň tizleşdirilip eltilip berilmegi işlenip düzüldi.
Günorta-Ural demir ýolynda «Demirgazyk-Günorta»ugry boýunça ýük daşamalarynyň ösdürilmegi sebitiň kärhanalary üçin täze mümkinçilikleri açýar.
«Demirgazyk-Günorta» Halkara ulag geçelgesi ýolagçylaryň we ýükleriň daşalmagynyň multimodal ugrudyr. Sankt-Peterburgdan Mumbaýa (Bombeý) çenli onuň umumy uzynlygy 7200 km deňdir.
ORIENT habarlar
