Aşgabatda Garaşsyz Döwletleriň Arkalaşygyna agza döwletleriň Aragatnaşyk edaralarynyň ýolbaşçylarynyň geňeşiniň 59-njy mejlisi we bu döwletleriň utgaşdyryjy geňeşiniň 29-njy mejlisi geçiriler. Bu barada “Belta” habarlar agentligi mälim edýär.
"Bu şahamçany döretmek bilen, biz Merkezi Aziýada öňdebaryjy bolarys we geljekdäki ösüş üçin esas dörederis" – diýip, "Daewoo Engineering & Construction" kompaniýasynyň başlygy Jong Won Ju 31-nji oktýabrda Aşgabatda bolan Günorta Koreýanyň kompaniýasynyň şahamçasynyň açylyş dabarasynda belledi. Ol şahamçanyň Daewoo E & C-ni Merkezi Aziýa bazarynda öňe sürmek üçin öňdebaryjy esas bolup hyzmat etjekdigini aýtdy.
YHG-na agza ýurtlar Aziýa bilen Ýewropanyň arasynda Halkara multimodal ulag geçelgesini döretmek barada ylalaşdylar.
Türkmenistanyň Prezidentiniň çykyşynda bellenişi ýaly, häzirki döwürde ýurdumyzda jemi kuwwaty 7000 megawata deň bolan 12 sany elektrik stansiýasy işleýär.
Bu forumlaryň dowamynda Türkmenistanyň ykdysady ösüşi we maýa goýum mümkinçilikleri, maglumat tehnologiýalary, ulag, telekommunikasiýa ulgamlarynda ýurdumyzyň infrastrukturasyny ösdürmegiň maýa goýum taslamalary bilen tanyşdyrmak, nebitgaz, himiýa we beýleki senagat pudaklaryny, bank, ätiýaçlandyryş pudaklaryny ösdürmegiň ugurlary ara alnyp maslahatlaşylar.
Özbegistanyň paýtagty Daşkentde Suw hojalygy boýunça döwletara utgaşdyryjy toparyň mejlisi geçirildi.
Koreýa Respublikasynyň "KTNET" kompaniýasynyň wekili Ha Son Hyn Merkezi Aziýa ýurtlary üçin bitewi sanly giňişligi işläp taýýarlamakda goldaw bermäge taýýardygyny mälim etdi. Bu sanly giňişlik sebitiň telekçileriniň arasynda maglumat alşygyny aňsatlaşdyryp, sanly söwdany ösdürmäge ýardam eder.
Eksport mümkinçiliklerini giňeltmek meseleleri Aşgabatda geçirilýän "Merkezi Aziýa - Koreýa Respublikasy" 16-njy Hyzmatdaşlyk forumynyň çäklerinde, şeýle hem 5-nji Türkmen-koreý işewürlik forumynyň dowamynda degişli ýurtlaryň edaralarynyň wekilleri bilen ara alnyp maslahatlaşylar.
2023-nji ýylyň 1-3-nji noýabry aralygynda Özbegistan Respublikasynyň Daşkent şäherinde “TransLogistika Uzbekistan 2023” atly halkara sergisi geçirilýär. Bu çärä 15 ýurtdan 60 dan gowrak kompaniýa gatnaşyp, Türkmenbaşy Halkara deňiz porty hem öz sergi stendi bilen çykyş edýär.
"Balkan" gämigurluşyk we abatlaýyş zawody Deňiz enjamlary boýunça koreý assosiasiýasy (KOMEO) bilen 6,1 müň tonna umumy ýükleri daşamaga niýetlenen gämileriň taslamalaryny düzmek we bilelikde gurmak we degişli enjamlary getirmek boýunça şertnama baglaşdy.
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň wekiliýeti Ykdysady Hyzmatdaşlyk Guramasyna (YHG) agza döwletleriň Ula ministrleriniň 12-nji mejlisine gatnaşdy. Ol penşenbe güni Özbegistanyň paýtagty Daşkent şäherinde guraldy.
Gruziýanyň paýtagtynda geçen "Ýüpek ýoly" 4-nji Halkara Tbilisi forumynda "Dünýäniň çatrygy" taslamasyny durmuşa geçirmek başlangyjy öňe sürüldi.
Sankt-Peterburg şäherinde geçirilen halkara gaz forumynyň çäklerinde "Gazprom" açyk paýdarlar jemgyýetiniň müdiriýetiniň başlygy Alekseý Milleriň we Özbegistan Respublikasynyň energetika ministri Žurabek Mirzamahmudowyň arasynda iş maslahaty geçirildi.
Dagystanyň eksporty goldamak merkeziniň ýolbaşçysy Ruslan Abaskuliýew taraplaryň özara haryt dolanyşygynda uly ösüşi gazanandyklaryny, Dagystanyň we Türkmenistanyň arasynda ykdysady gatnaşyklaryň ösüşinde täze tapgyryň gelendigini belledi.
Koreýa Respublikasynyň Daşary işler ministri Pak Jin we Türkmenistanyň gurluşyk we senagat boýunça wise premýeriniň orunbasary Baýmyrat Annamammedow Koreýa kompaniýalarynyň işleri we energetika we infrastruktura pudaklarynda geljegi uly taslamalara gatnaşmagyň mümkinçilikleri barada pikir alyşdylar.
