"Türki dünýäsiniň suratkeşleriniň duşuşygy" döredijilik sergisi 17-nji aprelde Daşkende açyljak Halkara şekillendiriş we amaly sungat festiwalynyň çäginde Özbegistanda geçiriler - diýip, “Dunyo” habarlar agentligi habar berýär.
Gazagystanyň maglumatlar we jemgyýetçilik ösüşi ministri Darhan Kydyrali Netflix-iň sebitleýin direktory Aleksandr Long bilen duşuşyk geçirdi, onuň barşynda gazak filmlerini bu platformada ýerleşdirmegiň mümkinçiligine garaldy.
9-njy aprele meýilleşdirilen dirižýor Rasul Klyçewiň ýolbaşçylygynda Türkmen döwlet orkestriniň ýerine ýetirmeginde «Dünýä simfoniki klassikleriniň ajaýyp eserleri» atly konserti 17-nji aprelde duşenbe güni geçiriler.
2023-nji ýylda 10 ýurduň rus teatrlary Russiýa Federasiýasyndan maliýe goldawyny alar. Bu barada Russiýa Federasiýasynyň Medeniýet ministriniň orunbasary Alla Manilowa anna güni “Daşary ýurt rus teatry rus medeniýetiniň bilim ojagy hökmünde” atly dördünji halkara maslahatynyň umumy mejlisinde mälim etdi.
Türkmenistanyň Bilim ministrligi Magtymguly adyndaky Ýaşlar guramasy bilen bilelikde Ýeňiş gününe bagyşlap «Berkarar döwletiň täze eýýamynyň bagtyýar gerçekleri» atly döredijilik bäsleşigini geçirer – diýip, «Nesil» gazeti habar berýär.
Her ýylyň 23-nji aprelinde Türkiýede Milli garaşsyzlyk we çagalar güni bellenip geçilýär. Ol 1920-nji ýylda Ankarada geçirilen Beýik milli ýygnagyň birinji çagyrylyşynyň işiniň başlanmagy bilen gabat gelýär.
2023-nji ýylda “Uly gastrollar” maksatnamasyna daşary ýurtlardaky rus teatrlarynyň 16-sy gatnaşar. Olaryň arasynda Günorta Osetiýadan, Abhaziýadan, Gazagystandan, Belarusdan, Ermenistandan, Özbegistandan we Türkmenistandan döredijilik toparlary bolar. Bu barada Russiýa Federasiýasynyň Medeniýet ministriniň orunbasary Alla Manilowa anna güni Rus teatrlarynyň “Russiýada duşuşyklar. Bilelikde 25 ýyl” atly halkara festiwalynyň açylyyna bagylanyp geçirilen umumy mejlisde mälim etdi. Forum 7-8-nji aprelde Sankt-Peterburgyň “Baltiýskiý dom” teatrynda geçirilýär.
Türkmenistan 2024-nji ýylda dabaraly we halkara derejesinde bellenjek Magtymguly Pyragynyň 300 ýyllygy mynasybetli ýubileý medalyny döreder.
“Voices of Friends: Poetry and Arts” – «Dostlaryň sesleri» halkara bäsleşigiň guramaçylary döredijilikli we zehinli adamlary, şahyrlary we suratçylary ýaryşa gatnaşmaga çagyrýar.
Almaty 2023-2024-nji ýyllar üçin ŞHG-nyň medeni we syýahatçylyk paýtagty bolar. Şanhaý Hyzmatdaşlyk Guramasyna agza ýurtlaryň medeniýet ministrleri Gazagystanyň Medeniýet we sport ministriniň wezipesini ýerine ýetiriji Ashat Oralowyň ŞHG-nyň medeniýet ministrleriniň onlaýn ýygnagynda şähere täze dereje bermek barada öňe süren teklibini goldadylar – diýip, “Kazinform” Halkara habarlar agentligi habar berýär.
Özbegistanyň Nawoi şäherinde türki dünýäsiniň Ýazyjylar birleşmesiniň birinji mejlisi geçirildi – diýip, UzA maglumatlar agentligi habar berýär.
Türkmenistanyň Gazagystandaky ilçihanasy türkmen, gazak, rus we iňlis dillerinde talyp ýaşlaryň arasynda okyjylaryň arasynda bäsleşik geçirilýändigini yglan etdi – diýip, diplomatik wekilhananyň saýtynda habar berilýär.
Hazarýaka döwletleriniň ýetginjekler simfoniki orkestrini Astrahanda dörederler – diýip, TASS habar berýär. Kollektiwe 12 ýaşdan 22 ýaşa çenli bolan ýetginjek sazandalar girer. Orkestr iýun aýynda boljak Russiýanyň Güni mynasybetli çykyş eder.
«ArtIst» ýaşlar teatry 7-16-njy aprel aralygynda Sankt-Peterburgda geçiriljek GDA ýurtlarynyň «Russiýada duşuşyklar» halkara teatr festiwalynda ilkinji gezek Türkmenistana wekilçilik eder. Bu ýyl abraýly forum çärýek asyrlyk ýubileýini belleýär we rus dramaturgy Aleksandr Ostrowskiniň 200 ýyllygyna bagyşlanýar.
Şadyýan, özüne çekiji we çagalykdan bäri hemmelere tanyş «Pişigiň öýi» ertekisi paýtagtyň «ArtIst» teatryndaky çagalar teatrynyň studiýasynyň repertuaryna ýene-de «gaýdyp geler». Gurnagyň okuwçylary 2-nji aprelde Samuil Marşagyň meşhur pýesasy esasynda döredilen mýuzikliň premýerasyny görkezerler. Spektaklyň täze görnüşi ajaýyp saz teatrynyň dünýäsine «çümüş» ýaly bolar we ýaş tomaşaçylary hem-de ululary biperwaý galdyrmaz.
