Türkmen suratkeşleriniň eserleri Daşkentde "Türki dünýäsiniň suratkeşleriniň duşuşygy" atly sergide görkeziler
"Türki dünýäsiniň suratkeşleriniň duşuşygy" döredijilik sergisi 17-nji aprelde Daşkende açyljak Halkara şekillendiriş we amaly sungat festiwalynyň çäginde Özbegistanda geçiriler - diýip, “Dunyo” habarlar agentligi habar berýär.
TÜRKSOÝ guramasynyň döredilmeginiň 30 ýyllygyna bagyşlanan bu sergini gurnaýjylar aýratyn çäre diýip atlandyrýarlar we Azerbaýjanyň, Gazagystanyň, Gyrgyzystanyň, Türkmenistanyň, Özbegistanyň, Türkiýäniň we Wengriýanyň suratkeşlerini oňa gatnaşmaga çagyrdylar. Ekspozisiýada iň gowy eserler sergilener, şeýle hem ýöriteleşdirilen we umumy bilim edaralarynda okaýan ýaş suratkeşler üçin ussatlyk sapaklary geçiriler.
Özbek festiwaly 21-nji aprele çenli dowam eder. Bäş günüň içinde ýurduň beýleki şäherlerinde bolşy ýaly, Daşkentde-de şekillendiriş we amaly sungat sergileri geçiriler we ýaş nesliň gatnaşmagynda döredijilik taslamalary durmuşa geçiriler.
ORIENT news
