Türkmenistanyň Daşary işler ministri Raşid Meredow Täjigistan Respublikasynyň Türkmenistandaky täze bellenen Adatdan daşary we Doly ygtyýarly ilçisi Wafo Niýatbekzoda bilen duşuşdy we onuň dowamynda ynanç hatlarynyň nusgalary kabul edildi. Sişenbe güni ministrlikde geçirilen duşuşygyň dowamynda diplomatlar döwletara gepleşikleriň ýagdaýy we geljegi barada pikir alyşdylar.
Sazyň kantri görnüşi boýunça meşhurlyk gazanan amerikaly ýerine ýetiriji Jeffri Stil Aşgabatda çykyş eder. Kaliforniýaly meşhur aýdymçy 6-8-nji iýul aralygynda türkmen paýtagtyna döredijilik sapary bilen geler – diýip, ABŞ-nyň Türkmenistandaky diplomatik wekilhanasy habar berýär.
«Ýüpek ýoly» halkara rallisiniň on üçünji neşiri 5-nji iýulda başlar - toparlar 5 müň kilometrden gowrak özboluşly ugur boýunça Kazandaky Müňýyllyk meýdançasyndan çykmazdan ozal administratiw we tehniki barlaglardan geçmeli bolarlar. Ýaryşa Türkmenistanyň wekilleri hem gatnaşarlar.
Duşenbe güni, 26-njy iýunda Türkmenistanyň Döwlet haryt-çig mal biržasyndaky söwdalaşyklarda jemi bahasy $1,6 mln amerikan dollaryna deň bolan 7 geleşik baglaşyldy -diýip, ORIENT-iň habarçysy habar berýär.
Öýjükli hemra älemdäki maglumatlary adaty telefona geçirip bildi. BlueWalker 3 hemrasy bilen adaty smartfonlaryň arasynda maglumatlary alyşmagyň şuňa meňzeş eksperimenti AST SpaceMobile kompaniýasy tarapyndan üstünlikli geçirildi.
Häzirki möwsümiň dowamynda zyýarat edilýän ýerlerde ýol torunyň howpsuzlygyny we hilini üpjün etmek üçin Saud Arabystanynyň awtoulag ýollary Baş müdirligi pilotsyz uçýan apparatlaryň tehnologiýasyny ulanyp başlady.
Türkmenistan bilen Koreýa Respublikasynyň syýasy ugurdaky netijeli ikitaraplaýyn hyzmatdaşlygy halkara derejesinde bilelikdäki işlerde aýdyň görkezilýär. Iki ýurt dürli guramalarda we gurluşlarda biri-biriniň dalaşgärligini yzygiderli goldaýarlar.
Türkmenistanyň Döwlet medeni merkeziniň Mukamlar köşgünde geçirilen konsertde beýik türkmen şahyry Magtymguly pyragynyň goşgularyna esaslanan saz kompozisiýalary ýerine ýetirildi.
«Titanic: Honor and Glory» wideo oýunlarynda adaty teke nagyşlary bilen ajaýyp gyzyl türkmen halylary, 1912-nji ýyldaky meşhur «Titanik» ýolagçy gämisiniň kaşaň ýaşaýyş otaglaryny bezeýär.
Haj parzyny ýerine ýetirmäge gitmek isleýän zyýaratçylaryň aç-açan nobatyny emele getirmek üçin özboluşly onlaýn ulgamyň döredilmegi barada Özbegistanyň prezidenti Şawkat Mirziýoýew saýlaw kampaniýasynyň çäginde yglan edildi.
Elektronika dünýäsi dükany we Berkarar SDAM–niň SAMSUNG dükanlary Gurban baýramy mynasybetli HITACHI sowadyjynyň bellenen modellerini satyn alan müşderilere Whirlpool kir ýuwujy maşynlaryny sowgat berýär. Hitachi sowadyjylara dükanlar tarapyndan 3 ýyllyk kepillik berilýär.
Fransiýanyň paýtagty ýakyn wagtda abraýly podium bolar. Bu ýerde Oriental Fashion Show 2023 iň ajaýyp wakalarynyň biri geçiriler. Liwandan, Marokkodan, Gazagystandan we ilkinji gezek Türkmenistandan ýagty we zehinli stilistleriniň gatnaşmagynda Parižiň kaşaň Sen-Žermen-de-Pre etrabynda 3-nji we 4-nji iýulda gündogaryň moda görkezilişi bolar.
Ýakynda Diplomatic World halkara žurnalynyň 71-nji sany çapdan çykdy. Onda Belgiýa Patyşalygyndaky Türkmenistanyň ilçihanasy tarapyndan türkmen alabaýy hakynda taýýarlanan makala neşir edildi. Makala «Türkmen alabaý tohum itleri: wepalylygyň we güýjüň nyşany» diýlip atlandyrylýar we onda bu tohumy adamyň ygtybarly dosty, kömekçisi we goragçysy eden fiziki güýji, gaýduwsyzlygy we wepalylygy ýaly ajaýyp häsiýetleri we keşpleri açylýar.
Aşgabatdaky Türkmenistanyň Şekillendiriş sungaty muzeýinde TÜRKSOÝ-yň döredilmeginiň 30 ýyllygyna gabatlanyp, surat sergisi açyldy. Dürli foto eserlerini özünde jemlän serginiň maksady türki döwletleriň taryhy-medeni mirasyny halkara halkara giňişliginde wagyz etmekden ybaratdyr.
Amerikanyň Birleşen Ştatlarynyň Kosmos agentligi (NASA) astronawtlaryň arş gämisi bilen gürleşip bilmekleri üçin emeli intellekti ornaşdyrmagy maksat edinýärler. Özi-de, adam bilen tehnologiýanyň arasyndaky bu gepleşik ynsan dilinde alnyp barlar.
