2023-nji ýylyň ýanwar-awgust aýlarynda Azerbaýjan bilen Türkmenistanyň arasyndaky söwda dolanyşygy geçen ýylyň degişli döwri bilen deňeşdirilende takmynan 3 esse ýokarlandy we 645 million ABŞ dollaryna ýetdi. Azerbaýjanyň ilatyň zähmet we sosial goragy ministri Sahil Babaýew muny Bakuwdaky “Gülüstan” köşgünde, Türkmenistanyň Garaşsyzlygynyň 32 ýyllygy mynasybetli geçirilen dabarada aýtdy.
Daşky gurşaw meselelerine bagyşlanan telegepleşikleriň önümçiligi boýunça okuw, Aşgabatda türkmen teleýaýlymlarynyň redaktorlaryny we operatorlaryny, şeýle hem üç uniwersitetiň žurnalistika mugallymlaryny bir ýere jemledi. Çäräniň maksady – olaryň hünär ukyplaryny we daşky gurşaw meseleleri boýunça hasabat bermek ukybyny ýokarlandyrmaga gönükdirilendir.
Astana şäherinde Digital Bridge-2023 halkara tehnologiýa forumy geçirildi. Oňa 30 ýurtdan we 300 kompaniýadan 20 000-den gowrak wekil, şol sanda «Türkmenaragatnaşyk» agentliginiň başlygy Hajymyrat Hudaygulyýewiň ýolbaşçylygyndaky wekiliýet gatnaşdy.
GDA-nyň döwlet baştutanlarynyň Bişkekdäki sammitinde Russiýanyň prezidenti Wladimir Putin kärdeşlerine Arkalaşygyň ýurtlarynyň edebi ýygyndylary sowgat berdi diýip, Kreml habar berýär.
Türkmenistan Statistika baradaky döwlet komitetiniň we onuň sebit bölümleriniň hünärmenleri 9-njy oktýabrdan 13-nji oktýabr aralygynda geçirilen Statistik iş sanawy programma üpjünçiligini (programma üpjünçiligini) dolandyrmak boýunça okuwlara gatnaşdylar.
2024-nji ýylda Arkalaşygyň medeni paýtagty statusyny alan Özbegiýanyň Samarkand şäheri GDA ýurtlarynyň Medeniýet, sungat we kino hepdeligini geçirer. Medeni çäräniň geçirilmegi indiki ýyla meýilleşdirilýär diýip, Mir 24 habar berýär.
Aşgabatdaky Fransuz instituty ýene bir döredijilik taslamasyny durmuşa geçirýär – ähli isleg bildirýänleri rok-n-roll stilinde tans sapaklaryna çagyrýar. Sapaklar her ýekşenbe güni Fransuz merkezinde geçiriler.
Gyrgyzystanyň Prezidenti Sadyr Žaparowyň ýolbaşçylygyndaky GDA döwletleriniň Baştutanlarynyň Geňeşiniň nobatdaky duşuşygy Bişkekde tamamlandy.
Arkadag şäheri şu güýzde ýurdymyzda geçiriljek esasy kino wakasyna garaşýar. Ertir, 14-nji oktýabrda bu ýerde «Arkadagyň säheri» atly I halkara film festiwaly açylar. Oňa ýüzlerçe aktýor, režissýor, prodýuser, kino we teatr ýyldyzlary, şeýle hem Azerbaýjandan, Gazagystandan, Gyrgyzystandan, Täjigistandan, Özbegistandan, Russiýadan, Türkiýeden we Fransiýadan kino işgärleri gatnaşar.
“Altyn Şah” aýlagynyň töwereklerini eýeleýän Haliç etraby – Stambul şäheriniň taryhy we iň ajaýyp ýerleriniň biri hasaplanylýar. Özüniň özboluşly görnüşi bilen “Altyn Şah” adyny alan inçejik aýlag Bosfor bogazynyň derwezesi haspalanylyp, onuň suwy günüň belli wagtlarynda, hususan-da, gün ýaşar wagtynda altynsöw öwüsýär.
«Ykdysadyýetde hyzmatdaşlygy işjeňleşdirmegi hyzmatdaşlygymyzyň ileri tutulýan ugry hasaplaýarys», - diýip GDA-nyň döwlet baştutanlarynyň Bişkekdäki sammitinde Türkmenistanyň Prezidenti Serdar Berdimuhamedow aýtdy.
Katar Döwleti Fransiýanyň “TotalEnergies” kompaniýasy bilen suwuklandyrylan gaz ibermek boýunça 27 ýyllyk şertnama baglaşdy. Bu şertnama 2026-njy ýyldan güýje girýär diýip, Katar Döwletiniň energetika kompaniýasy “QatarEnergy” habar berýär.
Türkmenistanyň Prezidenti Serdar Berdimuhamedow Arkalaşygyň döwletlerini geljek ýyl Aşgabatda geçiriljek Merkezi Aziýada howpsuzlyk boýunça Maslahatyň birinji mejlisine çagyrdy. Bu barada Türkmenistanyň Prezidenti Bişkekde geçirilen GDA döwletleriniň Baştutanlarynyň Sammitinde aýtdy.
Geljek ýylyň aprel aýynda Azerbaýjanda Türkmenistanyň Medeniýet günleri geçiriler. Medeni forum Azerbaýjanyň Baku we Genje şäherlerinde geçiriler.
Türkmenistanyň Döwlet medeniýet merkeziniň Mukamlar köşgünde opera aýdymçylaryň we tansçylaryň gatnaşmagynda Türkmen-Awstriýa bilelikdäki simfoniki orkestriniň konserti geçirildi. Bu barada “ORIENT-iň” habarçysy mälim edýär.
