Anna güni, 26-njy awgustda Türkmenistanyň Döwlet haryt-çig mal biržasynyň söwdalarynda umumy bahasy 1 million manatdan gowrak bolan geleşikler baglaşyldy diýip, ORIENT-iň habarçysy habar berýär.
Prezident Serdar Berdimuhamedow hökümetiň ähli agzalaryna 1-nji sentýabrda ýurduň ýokary we orta mekdeplerine baryp hut özleriniň Bilimler we talyp ýaşlar güni bilen gutlamagyny tabşyrdy diýip, resmi türkmen metbugaty ýazýar.
Prezident Serdar Berdimuhamedow Türkmenistanyň Awstriýadaky Adatdan daşary we doly ygtyýarly ilçisi Hemra Amannazarowy BMG-nyň Wenadaky ştab-kwartirasynda Hemişelik wekili, Birleşen Milletler Guramasynyň Senagat ösüşi boýunça guramasynyň (UNIDO) ýanyndaky Türkmenistanyň hemişelik wekili, şeýle hem Ýewropada howpsuzlyk we hyzmatdaşlyk guramasynyň ýanyndaky Türkmenistanyň wekiliýetiniň baştutany wezipelerine belledi.
Russiýa Federasiýasynyň Prezidenti Wladimir Putin Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowa “Watanyň öňünde bitiren hyzmatlary üçin” ordenini bermek baradaky Permana gol çekdi – diýip, Interfax, hukuk maglumatlary resmi portalyna salgylanmak bilen, habar berýär.
Türkmenistanda güýzlük bugdaý ekişne bir hepdeden – 2-nji sentýabrda badalga berler. Hormatly Prezidentimiz Serdar Berdimuhamedow möwsümiň başlanjak senesini anna güni Hökümetiň mejlisinde aýdyp, babadaýhanlara berk jan saglyk, maşgala abadançylygyny we işlerinde uly üstünlikleri arzuw etdi.
Anna güni DIM-de türkmen-özbek syýasy geňeşmeleriň nobatdaky tapgyry tamamlanandan soň, özbek diplomatlaryna Türkmenistanyň döwlet sylaglaryny – “Galkynyş” ordenini gowşurmak dabarasy boldy.
Prezident Serdar Berdimuhamedow Toýgeldi Mämmedowy “Türkmennebit” Döwlet konserniniň başlygynyň orunbasary wezipesinden boşatdy. Bu baradaky karar anna güni Türkmenistanyň hökümet mejlisinde yglan edildi.
Hepdäniň anna güni Aşgabatda Türkmenistanyň Daşary işler ministri Raşid Meredowyň we Özbegistanyň Daşary işler ministriniň wezipesini ýerine ýetiriji Wladimir Norowyň gatnaşmagynda DIMara syýasy geňeşmeler geçirildi.
Turkmenistan airlines Türkmenistan bilen Germaniýanyň arasynda yzygiderli howa gatnawyny gaýtadan dikeltdi diýip, ORIENT-e awikompaniýada habar berdiler.
Ýurduň ulag toplumyna wekilçilik edýän türkmen delegasiýasy Astrahan sebitine iş saparynyň çäginde Limanskiý etrabynyň Olýa obasynda döredilýän portuň ýörite ykdysady zolagyna baryp gördi.
Penşenbe güni, 25-nji awgustda Türkmenistanyň Döwlet haryt-çig mal biržasynyň söwdalarynda umumy bahasy 10,6 million manat bolan 3 geleşik baglaşyldy diýip, ORIENT-iň habarçysy habar berýär.
Sişenbe güni Prezident Serdar Berdimuhamedow Aşgabadyň täze binalaryna aýlandy we paýtagtyň birnäçe etraplarynda alnyp barylýan abadanlaşdyryş işlerine baha berdi, soňra döwlet baştutanyna täze desgalaryň taslamalary hödürlendi.
Çarşenbe güni Türkmenistanyň ulag toplumynyň wekiliýeti Astrahan oblastyna işewürlik saparynyň dowamynda logistika, ulag, söwda we gämi gurluşygy pudaklarynda hyzmatdaşlyk etmek meseleleri boýunça iş maslahatyny geçirdi.
Türkmenistanda ätiýaçlyklary 4,97 trillion kub metrden gowrak bolan gaz we gaz kondensat ýataklarynyň 149-ysy tapyldy.
Duşenbe güni, 22-nji awgustda Türkmenistanyň Döwlet haryt-çig mal biržasynyň söwdalarynda umumy bahasy $5,4 million bolan 12 geleşik baglaşyldy diýip, ORIENT-iň habarçysy habar berýär.
